“Автомат робот-2026” хаврын тэмцээний шилдгүүд тодорлоо

“Автомат робот-2026” тэмцээн дөрөвдүгээр сарын 25-26-ны өдрүүдэд ШУТИС-ийн Мэдээлэл Холбоо Технологийн Сургууль (МХТС) дээр амжилттай зохион байгуулагдлаа.

Тус тэмцээнийг ШУТИС-МХТС-ийн Электроникийн тэнхмийн багш, оюутнууд болон тус сургуулийн “High Tech” оюутны клуб хамтран зохион байгуулсан бөгөөд ивээн тэтгэгчээр “Тэсо Инвестмэнт ХХК” технологийн боловсролыг дэмжин ажиллав.

Энэ удаагийн тэмцээнд Улаанбаатар хотоос гадна Дархан-Уул, Сэлэнгэ, Хэнтий гэх мэт 10 аймгийн 250 гаруй багийн 1000 орчим тоглогчид авхаалж самбаа, оюун ухаанаа уралдууллаа. Уг тэмцээн нь нийт 5 төрөл 9 ангиллаар зохион байгуулагдсан. Хоёр өдрийн турш үргэлжилсэн тэмцээний төрөл бүрт дараах багууд тэргүүллээ:

1. Дроны төрөлд:

• Хэнтий 1-р сургуулийн С.Ихтүшиг ахлагчтай “Хэнтий түшиг дрон” баг ТЭРГҮҮН байр
• Хангай их сургууль Т.Аззаяа, Э.Дөлгөөн ахлагчтай “III” баг ДЭД байр
• Шинэ санаа иннова ЕБС-ийн, Г.Жаргал, М.Ханжигүүр ахлагчтай “Appolo” баг ГУРАВДУГААР байр

2. Тойрог зам буюу Робот рейс төрөлд:

• 44-р ЕБС-ийн, Э.Энх-Учрал, Б.Тэмүүлэн ахлагчтай “Speed mind I” баг ТЭРГҮҮН байр
• Уудам Монгол ерөнхий боловсролын сургуулийн Г.Ирмүүн ахлагчтай “IRIDESCENT” баг ДЭД байр
• ШУТИС ЭХИС-ийн Т.Хүсэлбаатар ахлагчтай “807” баг ГУРАВДУГААР байр

3. Шоо цуглуулагч робот

Ерөнхий боловсролын сурагчийн ангилалд

• Орхон Хасу ерөнхий боловсролын сургуулийн Х.Билгүүнтөгс ахлагчтай “Enforcer” баг ТЭРГҮҮН байр
• Tee Education сургуулийн Х.Билгүүн ДЭД байр
• Шинэ Монгол сургуулийн Г.Хаш-Эрдэнэ“RIOT” баг ГУРАВДУГААР байр

Их дээд сургуулийн ангилалд:

• ШУТИС-ийн Мэдээлэл, Холбооны Технологийн Сургуулийн Э.Сумьяабазар ТЭРГҮҮН байр
• Шинэ Монгол Технологийн коллежийн Б.Тэмүүлэн ахлагчтай “Shine 2” ДЭД байр
• ШУТИС-ийн Мэдээлэл, Холбооны Технологийн Сургуулийн оюутан А.Өсөхдалай, О.Билэгтэнаран “Tив” баг ГУРАВДУГААР байр

4. Шулуун зам төрөлд:

Ерөнхий боловсролын сурагчийн ангилалд

• Уудам Монгол ерөнхий боловсролын сургуулийн А.Саруул ахлагчтай “Yruki” баг ТЭРГҮҮН байр
•  Орчлон сургуулийн М.Тэлмүүн ахлагчтай “Орчлон I” баг ДЭД байр
• Орчлон сургуулийн А.Тэнгис ахлагчтай “Тэнгисийн баг” баг ГУРАВДУГААР байр

Их дээд сургуулийн ангилалд

• Д.Энх-Амар “Dark Angel” ТЭРГҮҮН байр
• Орчлон сургуулийн Н.Баяр ахлагчтай “Орчлон III” баг ДЭД байр
• ШУТИС ЭХИС-ийн Б.Пүрэвхүү ахлагчтай “Teddy” баг ГУРАВДУГААР байр

5. Хөл бөмбөг, Шоо цуглуулагч болон Сумо робот төрлүүдэд нийт 120 баг оролцож:

МикроЛион-Сумо

• Нийслэлийн 38 -р ЕБС – ийн , Ш. Энхтөрийн багшийн удирдсан Серикбол Айдер, Сугар Баярцогт тоглогчтой “Баянгол 38 - 2” баг ТЭРГҮҮН байр
• Нийслэлийн 38 -р ЕБС – ийн , Ш. Энхтөрийн багшийн удирдсан О.Эрхэс тоглогчтой “Баянгол 38 - 1” баг ДЭД байр
• Нийслэлийн НЕБ 1-р сургуулийн ЕБС – ийн , З. Эрхэс тоглогчтой “Rob Top” баг ГУТГААР байр
• Нийслэлийн Уудам Монгол ЕБС - ийн , Ж. Билэгтөгс тоглогчтой “UMES - 2” баг ТУСГАЙ байр

МикроЛион-Хөл бөмбөг:

• НЕБ 1-р сургуулийн Н.Гис-Од, У.Байдар тоглогчтой “Goal masters” баг ТЭРГҮҮН байр
• Нийслэлийн 38 -р ЕБС – ийн , Ш. Энхтөрийн багшийн удирдсан П.Гандөл, А.Мөнхбаатар тоглогчтой “Баянгол 38 - 1” баг ДЭД байр
• Уудам Монгол ЕБС – ийн , Г.Эрдэнэтөгс, П.Энэрэлсайхан тоглогчтой “UMES - 1” баг ГУТГААР байр
• Хэнтий 5-р сургууль ЕБС - ийн Өнөмөнх, Ухаанзаяа, Д.Үлэмжинмарал тоглогчтой “5–р сургууль-2” баг ТУСГАЙ байр

МикроЛион-Шоо цуглуулагч:

• Ерөнхий боловсролын 69 -р сургуулийн Ц.Наранбаатар, О.Бумбаяр тоглогчтой “Robot&2” баг ТЭРГҮҮН байр
• Электрон Жаал сургуулийн З.Мандуул, Н.Базаррагчаа тоглогчтой “Cube Master 2” баг ДЭД байр
• Ерөнхий боловсролын 69 -р сургуулийн Т.Ерөөлт, Г.Хүслэн тоглогчтой “Macro&2” баг ГУТГААР байр
• Орхон Хасу ерөнхий боловсролын сургуулийн Х.Билгүүнтөгс ахлагчтай “Enforcer” баг ТУСГАЙ байр тус тус эзэллээ