Бүтээлч санаагаа бодитоор хэрэгжүүлэх "Youth Voices for Change" хөтөлбөр

Залуус бүтээлч санаагаа бодитоор хэрэгжүүлж, бүтээлч санаагаа бодлого тодорхойлох түвшинд хүргэх боломжтой “Youth voices for change”  хөтөлбөрт бүртгүүлээрэй.

“Youth voices for change” хөтөлбөр гурван бүрэлдэхүүн хэсгээс бүрдэж байна.

1. ENGAGE & LEARN — интерактив сургалт
Залуус болон тэдэнтэй ажилладаг иргэний нийгмийн байгууллагуудад зориулсан 3 өдрийн интерактив сургалт Улаанбаатар хотод 2025.10.17–19 хооронд болно.

Сургалтын агуулгаас:

• Бодлогын асуудал тодорхойлох, шийдвэр гаргалтад оролцох
• Нийгмийн шударга ёс ба хүний эрх
• Мэдээллийн гажуудлыг илрүүлэх, шүүн тунгаах сэтгэлгээ
• Facebook, Instagram, TikTok дахь нөлөөллийн стратеги
• Урлаг, спорт, соёлоор үзэл бодлоо илэрхийлэх
• Эдийн засаг ба ногоон санаачилга
• Ёс зүйн манлайлал, багийн менежмент
• Хил дамнасан цахим кампанит ажил, технологийн шийдэл

Онцлох нь:

• Оролцоонд суурилсан интерактив хэлбэр
• Бодит кейс, дүрд тоглох, хэлэлцүүлэг
• Нөлөөлөгч, залуу манлайлагчидтай хамт суралцах
• Сургалтад хамрагдсан оролцогчид 36 цагийн “Hack the Future” хакатонд оролцох эрхтэй❗️

Хэн хамрагдах вэ?

• 20 ба түүнээс дээш насны, бодлого, хүний эрх, дижитал оролцоонд сонирхолтой, идэвхтэй залуус 

Бүртгэл хаагдах хугацаа: 2025.10.16
Бүртгүүлэх: bit.ly/YOUTHVOICESFORCHANGE

2. HACK THE FUTURE — 36 цагийн хакатон
Engage & Learn сургалтад хамрагдсан болон бусад оролцогчид дижитал оролцооны шинэлэг хэлбэр бүхий сошиал кампанит ажлын санаагаа боловсруулна. Уг үйл ажиллагаа 2025.11.06–08-нд Тэрэлжид болно.

3. TREND HACKS — цахим кампанит ажил
Хакатоноос шалгарсан шилдэг 3 санаагаа багууд үе тэнгийн нөлөөлөгчидтэй хамтран бодит эвент, кампанит ажил болгон хэрэгжүүлнэ. Хугацаа  2025.11.18–28

Хөтөлбөрийг Хэвлэл мэдээллийн зөвлөл, Дойче Велле Академи хамтран Европын холбооны дэмжлэгтэйгээр хэрэгжүүлж буй “Өөрчлөлтийн дуу хоолой” төслийн хүрээнд Монголын Залуучуудын Эвсэл, FARO Foundation-тай хамтран хэрэгжүүлж байна.