Моодонд орж буй 10 өнгөний хослол

Загварын чиг хандлага ирж, буцаж байдаг ч үнэхээр сайхан зүйлс үргэлж эргэн ирдэг. Эрчүүдийн хувцаслалтанд олон сонгодог өнгөний хослол эргэн ирж, урьдынхаасаа ч илүү загварлаг харагдаж байна. 

1. Нүүрсэн хар ба зэс өнгө

Нүүрсэн саарал бол хар өнгөний зөөлөн хувилбар. Нүүрсэн саарал хүнд санагдуулдаггүй. Харин зэс өнгө нь хүчтэй ч гэлээ хэт хурц биш акцент болдог.
Жишээ нь, зэс өнгийн цамцыг нүүрсэн саарал хүрэмтэй хослуулах, эсвэл нүүрсэн саарал шорт дээр зэс өнгийн цамц өмсөх зэргээр зун ч, намар ч өмсөхөд тохиромжтой.

2. Хөх ба шаргал

Энэ хоёр өнгөний хослол бол цаг хугацаа өнгөрөх тусам үнэ цэнээ алдахгүй. Хөх нь гүн, цэвэр төрхийг авчирдаг бол тэмээний шаргал нь дулаан, тансаг мэдрэмжийг өгдөг.
Хөх полог тэмээний шаргал өмдтэй өмсөх, эсвэл хөх цамцан дээр тэмээний шаргал пальто давхарлахад ямар ч нөхцөлд ухаалаг харагдана.

3. Олив ногоон ба хар

Энэ нь илүү эршүүд хүсдэг хүмүүст зориулагдсан. Олив ногоон нь гадуур аяллын, эрэгтэй шинжтэй мэдрэмжтэй бол хар өнгө нь бүх зүйлийг илүү хурц болгодог.
Хар хүүдий цамцан дээр олив өнгийн хүрэм өмсөх, эсвэл хар жинсэн дээр олив футболк хослуулах нь алдаагүй сонголт.

4. Саарал ба дарсны улаан

Саарал өнгө бараг бүх өнгөтэй зохицдог. Харин дарсны улаан нь хэтэрхий хурц биш хэрнээ өөрийн онцлогтой.
Саарал цамцыг дарсны улаан өмдтэй хослуулж ухаалаг төрх бий болгох, эсвэл дарсны улаан хүүдий цамцыг саарал спорт өмдтэй өмсөх нь аль аль нь гоё харагдана.

5. Цагаан ба биеийн өнгө

Хэрвээ цэвэр, сэрүүн төрхийг хүсэж байвал энэ хослол хамгийн тохиромжтой. Цагаан ба биений өнгөтэй шаргал (beige) нь зөөлөн, нүдэнд таатай.
Цагаан футболк дээр шаргал өмд, эсвэл шаргал хүүдий цамц дээр цагаан пүүз өмсвөл хавар, зун төгс тохирно.

6. Бор ба цайвар цэнхэр

Энэ өнгөний хослолд бага зэрэг ретро мэдрэмж байдаг ч орчин үеийн хэв маягтай. Бор нь дулаан мэдрэмж өгдөг бол цайвар цэнхэр нь шинэлэг, цэвэр төрх өгдөг.
Цайвар цэнхэр цамцыг бор өмдтэй хослуулах, эсвэл бор хүрмэн дээр цайвар цэнхэр футболк өмсөхөд энгийн мөртлөө стильтэй харагдана.

7. Жинс дээр жинс

Энэ хослол дахин моодонд орлоо. Одоо үүнийг зөв өмсөх түлхүүр нь — өөр өөр сүүдэртэй деним хослуулах.
Цайвар деним цамцыг бараан индиго жинсэн өмдтэй өмсөж ялгаруулалт үүсгэх хэрэгтэй. Дундуур нь төвийг сахисан футболк эсвэл өнгөлөг пүүз нэмбэл илүү орчин үеийн болно.

8. Хар ба цөцгийн цагаан

Хар-цагаан хослол заримдаа хэт хурц мэдрэмжтэй байж болно. Цагааныг цөцгийн цагаан өнгөөр сольвол бүх төрх зөөлрөнө.
Цөцгийн цагаан өмд дээр хар цамц өмсөх, эсвэл хар жинсэн дээр цөцгийн цагаан хүүдий цамц өмсөхөд уян зөөлөн, орчин үеийн төрх бий болдог.

9. Кобальт цэнхэр ба цагаан

Зарим сонгодог хослолууд арай уйтгартай болж эхэлсэн. Цайвар цэнхэр ба хөх? Аюулгүй ч сэтгэл хөдөлгөм биш. Олив ногоон шаргал? Танил боловч хуучирсан.
Харин кобальт цэнхэр ба цэвэр цагаан бол 2025 онд яг тохирсон шинэлэг, цэвэр, өөртөө итгэлтэй харагдах хослол юм.

10. Пастел шар ба цайвар цэнхэр

Шаргал ба бор өнгө бол аюулгүй сонголт ч заримдаа онцгой ялгаралгүй санагддаг. Цагаан ба ногоон нь өмнө нь спортлог, загварлаг байсан ч одоо 2010-аад оны хэв маяг болжээ.
Харин пастел шар футболк дээр цайвар цэнхэр жинс өмсөх нь 2025 оны хамгийн зөв, хүн бүрт зохих өнгөний хослол юм.