Өвөр монголын өөртөө засах оронд бакалавр, магистр, докторын тэтгэлэг зарлагдлаа

Монгол Улсын Боловсролын яам, Бүгд Найрамдах Хятад Ард Улсын Өвөр Монголын Өөртөө Засах Орон (ӨМӨЗО)-ы Ардын Засгийн газар хоорондын хэлэлцээрийн дагуу 2025-2026 оны хичээлийн жилээс БНХАУ-ын ӨМӨЗО-ы Ардын Засгийн газрын тэтгэлгээр бакалавр, магистр, докторын хөтөлбөрт суралцах иргэдийн сонгон шалгаруулалт зарлагдлаа.

Бүртгэлийн хугацаа: 2025 оны 06 дугаар сарын 01-30-ны өдрүүдэд https://isms.imu.edu.cn хаягаар холбогдох материалаа илгээнэ.

Тавигдах нийтлэг шаардлага:

• Бакалаврын түвшинд суралцахаар горилогч нь ерөнхий боловсролын сургууль төгссөн Монгол Улсын 25 хүртэлх насны иргэн байх, сурлагын голч дүн 3 ба түүнээс дээш байх;
• Магистрын түвшинд суралцахаар горилогч нь их, дээд сургуулийн бакалаврын зэрэгтэй Монгол Улсын 35 хүртэлх насны иргэн байх, сурлагын голч дүн 3.2 ба түүнээс дээш байх, HSK-3 ба түүнээс дээш хэлний оноотой байх;
• Докторын түвшинд суралцахаар горилогч нь магистрын зэрэгтэй Монгол Улсын 40 хүртэлх насны иргэн байх, сурлагын голч дүн 3.2 ба түүнээс дээш байх, HSK-3 ба түүнээс дээш хэлний оноотой байх шаардлагатай.

ДЭЛГЭРЭНГҮЙГ: https://moe.gov.mn/post/166537