Суралцах сонин арга барилууд

Суралцах үйл явц хүн бүрт өөр өөр байдаг ч заримдаа уламжлалт арга барилаас гадуур, сонин боловч үр дүнтэй аргууд илүү их тус болдог. Ийм аргууд нь тархины үйл ажиллагааг идэвхжүүлж, мэдлэгийг илүү удаан хугацаанд хадгалахад нөлөөлдөг.

1.”Зааж сурах” арга нь маш үр дүнтэй. Өөр хүнд ойлгуулж тайлбарлах явцдаа бид тухайн мэдээллийг илүү сайн ойлгож, өөрсдийн сул талыг олж хардаг. Энэ нь багшлах биш, харин хамтдаа суралцах хэлбэр юм.

2.Орчноо өөрчлөх нь суралцах чадварыг сайжруулдаг. Нэг газар байнга сууж сурахаас илүү шинэ орчинд (жишээ нь, номын сан, кафе) сурах нь анхаарлыг төвлөрүүлэхэд тустай.

3.Богино хугацааны давтамжтай суралцах буюу “Pomodoro” арга. 25 минут сураад, 5 минут амрах байдлаар давтах нь тархийг ядрахаас сэргийлдэг.

4.Зураглал ашиглах арга. Ойлголтуудыг зураг, схем, mind map хэлбэрээр дүрслэх нь мэдээллийг илүү амархан тогтоох боломж олгодог.

5.Хөдөлгөөнтэй суралцах. Алхаж байхдаа чангаар унших, эсвэл бичсэн зүйлээ давтах нь бие, тархины уялдааг сайжруулдаг.

6.Хөгжим сонсох арга. Зарим хүмүүсийн хувьд намуухан хөгжим сонсох нь анхаарлыг төвлөрүүлэхэд тустай байдаг.

7.Тоглоомчилсон суралцах арга. Quiz, flashcard зэрэг аргууд нь суралцах үйл явцыг сонирхолтой болгодог.

8Алдаа гаргахыг зөвшөөрөх. Алдаа нь суралцах чухал хэсэг бөгөөд түүнийг засах явцдаа бид илүү ихийг ойлгодог.

9.Өөрийгөө шагнах арга. Тодорхой зорилго биелүүлсний дараа өөртөө жижиг урамшуулал өгөх нь урам зоригийг нэмэгдүүлдэг.

10.Олон мэдрэхүйг ашиглах. Сонсох, харах, бичих зэрэг олон аргыг хослуулах нь мэдээллийг илүү бат бөх болгодог.