“Байгаль орчны сэтгүүл зүй”-н магистрын тэтгэлэгт хөтөлбөр 2026-г зарлалаа

Конрад-Аденауэр Сан (КАС), Монгол Улсын Их Сургуулийн Шинжлэх ухааны сургуулийн Сэтгүүл зүй, олон нийтийн харилцааны тэнхим болон Биологийн тэнхимтэй хамтарсан “Байгаль орчны сэтгүүл зүй”-н магистрын тэтгэлэгт хөтөлбөрийг зарлалаа.

Хөтөлбөрийн зорилго:
Байгаль орчны тогтвортой хөгжлийн зорилгуудыг хангах, хариуцлагатай, мэргэжлийн сэтгүүл зүйг хөгжүүлэх;

Хөтөлбөрийн үргэлжлэх хугацаа:
2 жил

Хөтөлбөрийн агуулга
Судалгааны магистрын хөтөлбөр нь нийт 35 кредит. Үүнд, Танхимын хичээл, Судалгааны аргазүйн хичээл, Байгаль орчны сэтгүүл зүйн мэргэжлийн заавал судлах ба мэргэшүүлэн сонгох хичээл болон олон улсын сэтгүүлзүйн хичээл, эрдэм шинжилгээний ажил, магистрын судалгааны ажил байна.

Шалгуур үзүүлэлтүүд

• Сэтгүүл зүй, байгалийн шинжлэх ухааны бакалавр (голч дүн 3.0 ба түүнээс дээш) 
• Монгол хэлний ярианы ур чадвар, найруулга зүй, хэлзүй, зөв бичих дүрмийн мэдлэгтэй
• Нийгмийн идэвхитэй (улс төр, нийгэм, хүмүүнлэг сайн дурын ажил болон бусад салбарт)
• Сэтгүүл зүйн салбарт мэргэжлийн түвшинд ажиллаж, байгаль орчны тогтвортоы хөгжил, нийгмийн сайн сайхны төлөө бодитой хувь нэмэр оруулах хүсэлтэй
• Англи хэлний ахисан түвшний мэдлэгтэй бол давуу тал болно
• КАС, МУИС-аас зохион байгуулах аливаа сургалт, хурал, үйл ажилллагааг дэмжин ажиллах, оролцох боломжтой байх

Эдгээр үзүүлэлтийг хангаж байвал та дараах материалуудыг монгол хэл дээр бүрдүүлэн 2025 оны 12 дугаар сарын 21-ний 23:59 цагаас өмнө өргөдлийн маягтыг онлайнаар бөглөж бүртгүүлнэ.

Бүрдүүлэх материал

• Бүрэн дунд боловсролын гэрчилгээ
• Бакалаврын диплом, хавсралтын хуулбар
• Тэтгэлэгт хөтөлбөрт хамрагдах үндэслэлийг тодорхойлсон эссэ (1 нүүрт багтаана)
• Их сургуулийн мэргэжлийн багшийн тодорхойлолт
• Хувь хүний нийгмийн оролцоог илтгэх тодорхойлолт (ажил олгогч, холбоо, сайн дурын байгууллагаас гэх мэт)

Тэтгэлэгийн өргөдөл хүлээн авах хүлээн авах сүүлийн хугацаа:
2025 оны 12 дугаар сарын 21-ний 23:59 цаг
Өргөдлийн маягтыг онлайнаар бөглөж, бүртгүүлнэ: https://form.jotform.com/242553946199066
Хөтөлбөртэй холбоотой мэдээллийг дараах хаягаар хүлээн авна: Zaya.sengee@kas.de