Таны найз залуу салах гэж байгаа далд шинж тэмдэг

Салалт гэнэт болдоггүй бөгөөд харилцаа албан ёсоор дуусахаас өмнө шинж тэмдгүүд илэрдэг. Хэрвээ та “ямар нэг зүйл буруу байна” гэж мэдэрч байгаа бол, энэ таны төсөөлөл биш байж болно.

Энд таны найз залуу салах гэж байж болох 10 далд, гэхдээ тодорхой шинж тэмдгийг орууллаа.

1. Ирээдүйн төлөвлөгөө ярихаа больсон

Өмнө нь ирэх улирлын аялал, амралт, урт хугацааны зорилгуудын талаар ярьдаг байсан бол одоо ирээдүйн төлөвлөгөөнөөс зайлсхийдэг.

Учир нь юу вэ: Сэтгэл холдож эхлэхэд хүн хамтын ирээдүйг төсөөлөхөө больдог. Хэрвээ түүний бүх төлөвлөгөө одоо ганцаарчилсан эсвэл тодорхой бус байвал, энэ нь салалтын төлөвлөгөөг оюун санаагаараа хийж байгааг илтгэж болно.

2. Харилцаа багассан

Мессеж богиносож, утасны дуудлага ирэх нь багасдаг. 

Учир нь юу вэ: Зүгээр л завгүй биш, харин сэтгэл хөдлөлөөрөө холдож байна.

3. Жижигхэн зүйлд дургүйцэх болсон

Өмнө нь дур булаам санагддаг байсан жижиг зан чанар чинь одоо түүний дургүйцлийг хүргэдэг болдог. Тэвчээр багассан, хурдан уурлах эсвэл холдох хандлагатай болсон.

Учир нь юу вэ: Сэтгэл санааны хувьд холдсон үед тэвчээр багасдаг.

4. Бие махбодын ойр дотно байдал багассан

Тэврэхээ больж, хүйтэн үнсэлт, буйдан дээр суухдаа ч наалдахгүй болсон.

Учир нь юу вэ: Бие махбодын ойр дотно байдал багасах нь сэтгэл нь холдож байгааг илтгэдэг. Хэрвээ түүний биеийн хэлэмж эрс өөрчлөгдвөл, зөвхөн стрессийн асуудал биш байж болно.

5. Өдөр тутмын сонин сайхныг чинь асуухаа больсон

Тэр таны өдөр, сэтгэл, амжилт, бүтэлгүйтлийг сонирхохоо больсон. Яриа хөнгөн, нэг талын болдог.

Учир нь юу вэ: Сониуч байдал нь сэтгэлзүйн хувьд хамааралтайн шинж тэмдэг. Сонирхохгүй байх нь сэтгэл хөдлөлөөрөө холдож байгаагийн анхны дохио байж болно.

6. Бусдыг болон бусад зүйлсийг тэргүүнд тавьдаг болсон

Ажил, найз нөхөд, хобби гээд бүгд тэргүүнд орж, та бүхний дараа ордог болно.“Уучлаарай, би одоо завгүй байна” гэж хэлэх нь ихэсчээ.

Учир нь юу вэ: Хүн холдож эхлэх үед эрч хүчээ өөр зүйлд чиглүүлдэг. Өмнө цаг гаргаж байсан бол одоо шалтаг гаргаж байгаа нь анхаарах өөрчлөлт юм.

7. Маргаанаас бүрэн зайлсхийдэг

Өмнө нь асуудал гарвал оролцдог байсан бол одоо тэр зүгээр л хаалт тавьдаг. Маргаан байхгүй, ярилцахгүй — зөвхөн чимээгүй.

Учир нь юу вэ: Маргаанаас зайлсхийх нь сайн зүйл биш. Заримдаа энэ нь тэд хангалттай анхаарахгүй болсон, эсвэл удаан үлдэхийг хүсэхгүй байгааг илтгэдэг.

8. Нийгмийн сүлжээнээс холдож эхэлсэн

Тэр таны тухай бичихээ больж, таг хийхээ больж, хамтдаа байгаагаа хуваалцахаа больсон. 

Учир нь юу вэ: Хэрвээ нийгмийн сүлжээнд харилцааны ил тод байдал гэнэт өөрчлөгдвөл харилцаагаа салгах хүсэлтэй болохыг илтгэж болно.

9. “Бид” биш “Би” гэж ярьдаг болсон

Тэр ирээдүйн төлөвлөгөө, шийдвэр, санааг таны оролцоогүйгээр ярьдаг. "Би ирэх жил нүүе гэж бодож байна.",“Би ганцаараа аялмаар байна гэж ярьдаг болно.

Учир нь юу вэ: “Бид” нь “Би”-д хувирч байгаа нь бие даасан байдал руу шилжиж, хамтран байх ирээдүйг төсөөлөхөө байсныг илтгэдэг.

10. Та зөнгөөрөө мэдэрдэг

Ихэнх хүмүүс энэ дохиог анзаарахгүй өнгөрдөг: өөрийн дотоод дуу хоолой. Та түүнтэй байхдаа түгшүүртэй болж, эргэлзээтэй,  тайван бус байдалд байна.

Учир нь юу вэ: Зөн совин чинь ихэнхдээ сэтгэлээс чинь түрүүлж холдолтыг мэдэрдэг.