ОХУ-д оюутан суралцуулах тэтгэлэгт хөтөлбөр зарлажээ

ОХУ-ын Красноярск хотын Сибирийн Холбооны Их Сургуульд оюутан суралцуулах тэтгэлэгт хөтөлбөр зарлажээ.

Монгол Улсын Аж үйлдвэрийн салбарт мэргэжилтэй боловсон хүчин бэлтгэх зорилгын хүрээнд Монгол Улсын Аж үйлдвэр, эрдэс баялгийн яам, ОХУ-ын Русал компанийн хооронд байгуулсан Санамж бичгийн хүрээнд ОХУ-ын Красноярск хотын Сибирийн холбооны их сургуульд суралцах тэтгэлэгт хөтөлбөр зарлаж байна.

ОХУ-ын ТОП 15 их сургуулийн нэг бөгөөд 20 гаруй салбар сургуультай, 40 орчим мянган оюутан, 3000 гаруй багш судлаачтай ба 84 чиглэлээр мэргэжилтэн бэлтгэдэг Красноярск хотын Сибирийн Холбооны Их Сургуульд  (СибФУ) 2026-2027 оны хичээлийн жилд дараах чиглэлээр бакалаврын түвшний сургалтад нийт 25 оюутан тэтгэлэгт хөтөлбөрт хамруулна. Үүнд:

• Экологи ба байгаль орчны менежмент
• Цахилгаан эрчим хүч ба цахилгаан техник
• Үйлдвэрлэлийн болон технологийн процессийн автоматжуулалт
• Металлургийн инженер
• Эдийн засаг

СОНГОН ШАЛГАРУУЛАЛТАД ТАВИГДАХ ШААРДЛАГА

• Ерөнхиий боловсролын гэрчилгээ/дүнгийн хавсралтыг нотариатаар баталгаажуулсан хуулбар/
• Монгол Улсын магадлан итгэмжлэгдсэн их, дээд сургууль, коллежийн 1,2 дугаар дамжааны суралцагч бол /голч дүн бүхий сургуулийн тодорхойлолт/
• Иргэний үнэмлэхийн лавлагаа /e-Mongolia/

БҮРТГЭЛ

Тэтгэлэгт хамрагдахыг хүсэгчид 2025,09,05-ны өдрийн 09:00 цагаас 2025,10,01-ний өдрийн 23:59 хүртэл линкээр бүртгүүлж, дээрх баримт бичгүүдийг хавсаргана.

СУРАЛЦАГЧДАД ОЛГОХ САНХҮҮГИЙН ДЭМЖЛЭГ

ОХУ-ын РУСАЛ компани сонгон шалгаруулалтад тэнцсэн иргэдийн суралцах хугацааны ОХУ-д боловсрол эзэмших ба оршин суухтай холбоотой дараах зардлыг хариуцна. Үүнд:

• 2026 оны 01 сараас 7 сарын хугацаатай Орос хэлний бэлтгэл ангид суралцах сургалтын төлбөр
• 2026 оны 09 сараас бакалаврын өдрийн хөтөлбөрөөр суралцах сургалтын төлбөр
• Суралцах хугацааны байрны зардал
• Суралцах хугацааны эрүүл мэндийн даатгал
• Сар бүр 18000 рублийн амьжиргааны тэтгэлэг
• Монголоос ирж очих зардал

Эх сурвалж: Аж үйлдвэр, эрдэс баялгийн яам