Science Challenge 2019 – Тэтгэлэгт сорилын бүртгэл явагдаж байна

Шинэ монгол Технологийн дээд сургуулиас уламжлал болгон зохион байгуулдаг "SCIENCE CHALLENGE 2019" тэтгэлэгт сорилгыг хоёр дахь жилдээ зохион байгуулах гэж байна.

Энэхүү тэтгэлэгт сорилго нь 12-р ангийн сурагчдад зориулсан Математик - Физик, болон Математик - Химийн нэгдмэл агуулга бүхий жишиг даалгавартай тэтгэлэгт сорилго юм.

Тухайн сорилгын онцлогуудаас дурдвал:

1. Бүртгэл хураамжгүй

2. 21 аймаг, 9 дүүрэгт нэгэн зэрэг явагдана

3. Тэтгэлэг авах боломжтой

Тэтгэлэгт сорилгын хүрээнд дараах арга хэмжээ зохиогдоно. Үүнд:

Монгол улсын хэмжээнд 12-р ангийн сурагчдын дунд “Математик ба Физик” болон “Математик ба Хими” гэсэн хоёр сонголттойгоор, 2019 оны дөрөвдүгээр сарын 20-ны өдрийн 12-15 цагт нэгэн зэрэг тухайн аймаг, дүүргийн тогтсон сургуулиуд дээр зохион байгуулагдана. Тэтгэлэгт сорилгод оролцогчдод зориулсан жишиг даалгавар болон бодолт, нэмэлт тайлбарыг http://nmit.edu.mn/ болон www.facebook.com/nmit.edu.mn/ хаягаар хүргэх болно.

Тэтгэлэгт сорилгын шагнал, урамшуулал

“Тэтгэлэгт сорилго 2019”-ийн шилдэг оролцогчдыг тодруулж, Шинэ Монгол Технологийн Дээд сургуульд суралцахад дараах тэтгэлгүүдийг олгоно. Үүнд:

Нийт оролцогчдын хамгийн өндөр гүйцэтгэл бүхий 1 сурагч буюу “Абсолют чампион”-д багц цагийн төлбөрийг 100% хөнгөлөх тэтгэлэг;

21 аймаг, 9 дүүрэг тус бүрээс:

1-3-р байр эзэлсэн оюутанд багц цагийн төлбөрөөс 50% хөнгөлөх тэтгэлэг

4-10-р байр эзэлсэн оюутанд багц цагийн төлбөрөөс 40% хөнгөлөх тэтгэлэг

11-15-р байр эзэлсэн оюутанд багц цагийн төлбөрөөс 30% хөнгөлөх тэтгэлгийг тус тус олгоно.

Бүртгэл: 2019.03.11-04.07 хүртэл үргэлжлэх бөгөөд https://goo.gl/jnVXhE хаягаар орон онлайнаар бүртгүүлэх боломжтой.