Бусдыг чимээгүйхэн холдуулж мэдэх 10 өгүүлбэр

Зарим гэмгүй мэт  зүйл хэлсний дараа уур амьсгал өөрчлөгдөхийг мэдэрч байсан уу.  Эдгээр өдөр тутмын үгс гаднаасаа энгийн мэт харагдавч дотроо хортой өнгө аястай байдаг тул хүмүүс өөрийгөө үнэлэгдээгүй мэт мэдрэхэд хүрдэг.

Таны санаандгүйгээр бусдын сэтгэлийг гонсойлгож мэдэх өгүүлбэрүүдийг хүргэж байна.

1.“Зүгээр тоглосон юм шүү...”

Ихэнхдээ шүүмжилсэн эсвэл хорон өнгө аястай үгний дараа хэрэглэгддэг. Зөөлрүүлж буй мэт боловч үнэндээ дайсагнал, доромжлолоо хошигнол болгон халхалж буй хэрэг. Ингэснээр хүмүүс танд итгэхээ больж, үнэн эсвэл тоглоом гэдгийг ялгаж чадахгүй тул аажмаар зайлсхийдэг.

2. “Одоо би өөртөө л төвлөрч байна.”

Эрүүл өөрийгөө арчилж байгаа мэт сонсогддог ч бусдад та тэдэнд зай алга гэдгийг илтгэнэ. Өөрийгөө эрхэмлэх нь зөв ч энэ өгүүлбэр ихэвчлэн бусдыг хааж буй “хана” мэт мэдрэгддэг.

3. “Би угаасаа л ийм хүн.”

Өөрийгөө хүлээн зөвшөөрч буй мэт сонсогддог ч үнэндээ өөрчлөгдөхөөс татгалзаж буй дохио. Ингэснээр та бусдад уян хатан биш мэт санагдаж эхэлнэ.

4. “Би драма хийдэггүй.”

Гаднаасаа төлөвшилтэй мэт. Харин цаанаа бусдын жинхэнэ асуудал, сэтгэл хөдлөлийг “драма” гэж үгүйсгэж буй хэрэг. Ингэснээр хүмүүс санаа зовнил, зовлонгоо хуваалцахаас зайлсхийдэг.

5. “Би хүнд таалагдах гэж өөрийгөө албадахгүй.”

Уриа шиг сонсогддог ч харилцаанд идэвхгүй хандлагыг илтгэнэ. Бусад хүмүүст та тэдэнтэй байхдаа хичээхгүй гэж ойлгож магадгүй. Холбоо харилцаа хоёр талын хүчин чармайлтаар оршдог.

6. “Би өш санадаггүй.”

Эрүүл мэт боловч заримдаа бодит гомдлыг үл тоомсорлож буй хэрэг. Ингэснээр та маргааныг шийдэх бус, шууд өнгөрөөж байгаа мэт санагдана. Бусад нь сонсогдсонгүй гэж мэдэрч магадгүй.

7. “Би зүгээр ээ.” (үнэндээ зүгээр биш байхдаа)

Эелдэг мэт боловч бусдыг төөрөгдүүлнэ. Тэд ямар нэг зүйл буруу байгааг мэдрэх ч таны үг эсрэгээрээ сонсогдоно. Энэ нь төөрөгдөл үүсгэж, эцэстээ хүмүүс асуухаа больдог.

8. “Би хүрээллээ маш няхуур сонгодог.”

Өндөр стандарт мэт боловч бусдад байнга шалгагдаж буй мэт мэдрэмж төрүүлдэг. Энэ нь бусдад ойр дотно биш байдал мэдрүүлж, эргэлзээ бий болдог.

9. “Чи үргэлж...” эсвэл “Чи хэзээ ч...”

Эдгээр туйлширсан өгүүлбэр нь үйлдлийг биш хүнийг бүхэлд нь шүүмжилдэг. Ингэснээр хүн өөрчлөгдөхөөс татгалзах бус, харин бүхэл харилцааг эсэргүүцдэг.

10. “За яршиг, санал зөрөлдсөн хэвээрээ дуусъя”

Энэхүү өгүүлбэр тайван мэт боловч харилцан ойлголтыг хааж орхидог. Хүмүүс заавал зөвшөөрөл хүсдэггүй, тэд сонсогдохыг хүсдэг. Энэ өгүүлбэр нь яриаг дуусгавар болгож, бусдыг дутуу үлдээдэг.