Өнгөрсөн оны нэгдүгээр сард нэгэн үл мэдэгдэх хакер Жонгүгийн HYBE компани дах 8.44 воны үнэ бүхий хувьцааг гуравдагч этгээдэд зарсан хэрэг гарч байсан билээ. Тэгвэл наймдугаар сарын 22-нд уг хэргийг үйлдсэн хакер баривчлагдсан байна. Тэрээр цагдаа болон интерполоор эрэн сурвалжлагдаж байсан юм.
Тухайн этгээд Тайландын Бангкок хотоос баривчлагдсан бөгөөд 34 настай БНХАУ-ын иргэн “А” гэгч залуу байсан аж. Солонгосын цагдаагийн газар болон Интерпол хамтран түүнийг Сөүл хот руу шилжүүлэн авчирчээ.
Цагдаагийн мөрдөн шалгалтаар “А” нь Тайланд болон бусад улс орнуудад үйл ажиллагаагаа явуулдаг хакерын бүлгийн толгойлогч болох нь тогтоогджээ. Тэдний гол арга барил нь байгууллагуудын вэбсайтад нь нэвтэрч, хувийн мэдээлэл хулгайлах, хохирогчдын нэр дээр гар утасны дугаар нээх, санхүүгийн байгууллага болон хөрөнгийн платформд нэвтрэх явдал байжээ. Энэхүү бүлэглэл Өмнөд Солонгосын чинээлэг иргэд болон олны танил хүмүүсээс нийт 38 тэрбум воныг хулгайлсан байна.
Хохирогчдын нэг нь Жонгүг байсан юм. Түүнийг цэрэгт татагдсаны дараахан үнэт цаасны данс нь хакердуулж, HYBE компани дах 8.44 тэрбум воны үнэ бүхий 33,500 ширхэг хувьцааг хууль бусаар шилжүүлсэн. Мөн 126 сая вонтой тэнцэх хэмжээний хувьцааг гуравдагч этгээдэд зарж байжээ. Жонгүгийн компани энэхүү сэжигтэй үйлдлийг хурдан илрүүлж, үлдсэн хувьцааг царцааснаар илүү их хохирлоос сэргийлж чадсан юм.
Гэвч Жонгүг энэ бүлгийн цорын ганц нэр бүхий хохирогч биш байв. Өмнөд Солонгосын зарим шинэлэг гарааны компанийн удирдлага болон томоохон корпорацуудын дарга нар ч мөн хохирсон нь тогтоогдсон байна. Тус хэрэг нь улсын хэмжээнд гарсан хамгийн нарийн төлөвлөгдөж, өндөр зохион байгуулалттай гүйцэтгэсэн санхүүгийн гэмт хэрэг хэмээн тодорхойлогджээ.
Эх сурвалж: Koreaboo
Та энэ хүслийг өөр дээрээ нэмсэн байна!
Та энэ хүслийг биелүүлсэн байна!
Та хүслээ амжилттай биелүүллээ!
265
2040
2023-05-08