Ургамлын харшлын үед хэрэглэж болохгүй хоол хүнс

Эрүүл мэндийн яамны мэдээлснээр 7-р сарын 1-нээс 8-р сарын 20-ны хооронд харшил үүсгэгч ургамал тоосоо гөвдөг байна. Эдгээр өдрүүдэд ургамал, ногооны харшилтай хүмүүсийн харшил ихээр сэдэрдэг.

Энэ үед мэргэжлийн эмчийн зөвлөгөөний дагуу эм ууж, тарилга хийлгэхээс гадна идэж буй хоол хүнсэндээ анхааран, хоолны дэглэм баримтлах нь чухал байдаг байна. Учир нь зарим хүнсний бүтэц нь ургамлын тоостой төстэй уургийн бүтцийг агуулдаг тул дархлааны систем андуурч хэт хариу үйлдэл үзүүлдэг.

Харшлын үед идэж болохгүй хоол, хүнс

• Шинэхэн жимс(ялангуяа түүхий хэлбэр)
• Алим
• Улаан лооль
• Лууван
• Чавга
• Тоор
• Усан үзэм
• Киви
• Хан боргоцой зэрэг
• Олон төрлийн самар
• Хушга
• Гүргэм
• Халуун ногоо болон бусад хурц амтлагч (яншуй, гүргэм, гоньд зэрэг)
• Амтат чинжүү, редис, даршилсан ногоо, давсалсан өргөст хэмх
• Бэлэн гоймон
• Зөгийн бал
• Чихэр, зефир, пастил, бялуу, кекс
• Кофе, какао,
• Шоколад
• Загас, түрс зэрэг далайн гаралтай бүтээгдэхүүн
• Архи, согтууруулах ундаа

Зөвлөгөө:

Хоолны дэглэмээ өөрчлөхөөс өмнө мэргэжлийн эмчтэй зөвлөлдөх хэрэгтэй.

Жимс, ногоог түүхийгээр биш болгож идвэл харшил үүсгэгчийг устгах боломжтой.

Мөн өмнө нь хэрэглэж байгаагүй хоол хүнсийг болгоомжтойгоор хэрэглэхийг эмч нар зөвлөдөг.