Дэлхийн хамгийн том видео платформ болох YouTube 20 жилийн ойгоо тэмдэглэж буй энэ үед The New York Times сонин YouTube-ийн сүүлийн хоёр арван жилийн туршид тодорхойлсон 18 домогт видеог онцолсон нийтлэл нийтэлжээ.
Уг жагсаалтад үүсгэн байгуулагч Jawed Karim-ийн анхны видео “Me at the zoo”, Канадын дуучин Жастин Бибер YouTube-ээр алдартай болсон түүх, мөн хошин нэвтрүүлгийн хөтлөгч Конан О’Брайны “мүкбанг” видео зэрэг багтжээ.
Энэхүү жагсаалтад хоёр Солонгос видео багтжээ. Эхнийх нь Psy-ийн “Gangnam Style” бөгөөд 2012 оны 7-р сард гарсан. Тэр жилийнхээ сүүл гэхэд уг видео YouTube дээр 1 тэрбум үзэлт давсан анхны видео болж түүхэнд бичигдсэн. The New York Times үүнийг онцлон дурдсан ба Psy 2022 оны нэгэн ярилцлагадаа хэлэхдээ: “Дуу, бүжиг, үзүүлбэр гээд бүхнийг би өөрөө хийсэн ч энэ нь яагаад тийм онцгой байсныг одоо хүртэл ойлгодоггүй” хэмээн дурджээ.
Хоёр дахь нь хүүхдийн алдарт “Baby Shark” дуу юм. 2020 оны 11-р сарын байдлаар “Baby Shark” YouTube-ийн түүхэн дэх хамгийн олон үзэлттэй видео болж, өнөөдөр ч 15.8 тэрбум үзэлтээр тэргүүлсээр байна.
Уг нийтлэлд дэлхийд хамгийн алдартай YouTuber-уудын нэг MrBeast ч мөн багтсан. Тэрээр 2012 онд дунд сургуульд байхаасаа суваг нээж, хэрэгцээтэй хүмүүст их хэмжээний мөнгө өгдөг бичлэгүүдээр олны анхаарлыг татсан. 2021 оны 11-р сард тэрээр "Squid Game"-ийн амьд хувилбарыг зохион байгуулж, ялагчид 456,000 ам.долларын шагнал олгосон нь түүний суваг дээрх хамгийн олон үзэлттэй видео болжээ.
The New York Times-ийн онцлох нийтлэл нь YouTube-ийн хамгийн алдартай видеонуудыг эргэн сануулж, түүний өөрчлөлт авчирсан нөлөөллийг тусгасан байна.
Та энэ хүслийг өөр дээрээ нэмсэн байна!
Та энэ хүслийг биелүүлсэн байна!
Та хүслээ амжилттай биелүүллээ!
1733
11718
2020-12-17