Татвар төлөгч та 2023 оны ХХОАТ-ын тайлангаа 2024 оны 2 дугаар сарын 15-ны дотор цахимаар илгээж, татварын хөнгөлөлт чөлөөлөлтөд хамрагдах юм. Тайлантай холбоотой хариу мэдээлэл татварын албанаас хүргүүлэх тул тайлангийн хүсэлт хэсэгт өөрийн гар утасны дугаар болон цахим шуудангийн хаягийг үнэн зөвөөр оруулах шаардлагатай.
Монгол Улсын иргэн албан татвар төлөгчийн төрсөн, дагавар, үрчилж авсан хүүхэд болон асран хамгаалагчаар тогтоогдсон асрамж, дэмжлэгт байгаа хүүхэд гадаад, дотоодын их, дээд сургууль, коллеж, мэргэжлийн болон техникийн боловсролын сургуульд оюутан, эсхүл суралцагчаар элсэн суралцаж байгаа тохиолдолд түүний анхны бакалаврын болон дипломын мэргэжил эзэмших сургалтын хугацаанд тухайн татварын жилд төлсөн, баримтаар нотлогдож байгаа сургалтын төлбөртэй тэнцэх орлогод ногдох албан татварын хөнгөлөлтийг эдлүүлнэ.
Монгол Улсын иргэн суралцаж байх хугацаандаа хөдөлмөр эрхлэлтийн орлогоосоо албан татвар төлж, улмаар сургалтын төлбөр төлсөн их, дээд, мэргэжлийн болон техникийн боловсролын сургууль, коллежид анхлан суралцагчийг энэ заалтад хамруулан хөнгөлөлтөд хамруулна.
Эх сурвалж: Татварын алба
Та энэ хүслийг өөр дээрээ нэмсэн байна!
Та энэ хүслийг биелүүлсэн байна!
Та хүслээ амжилттай биелүүллээ!
461
4971
2020-02-05