"TechCrunch Startup Battlefield 2026" хөтөлбөр

Мэдээллийн Технологийн Үндэсний Парк нь Silkroad Innovation Hub байгууллагатай хамтран Төв Евразийн бүсийн хамгийн том стартап танилцуулгын тэмцээн болох "Road to TechCrunch Startup Battlefield 2026" уралдаанд Монголын гарааны бизнесүүдийг урьж байна.

Энэхүү уралдаан нь оролцогч стартапуудад дэлхийн хамгийн нэр хүндтэй технологийн арга хэмжээнүүдийн нэг болох "TechCrunch Disrupt 2026" болон "TechCrunch Startup Battlefield 200" тайзанд гарах боломжийг олгохоос гадна "Silicon Valley"-ийн хөрөнгө оруулагчид, олон улсын менторууд болон дэлхийн инновацын экосистемтэй шууд холбогдох гарцыг нээж байна.

Оролцогчдод нээгдэх боломжууд:

• Шилдэг 3 финалист нийт 100,000 ам.долларын хөрөнгө оруулалтын санхүүжилт хүртэх боломж
• TechCrunch Startup Battlefield 200 хөтөлбөрт шууд шалгарах эрх
• TechCrunch Disrupt 2026 арга хэмжээнд 3 өдрийн үзэсгэлэнгийн талбай
• Сан Франциско хот руу 2 багийн гишүүний нислэг болон 1 хүртэлх долоо хоногийн байрны зардал бүрэн хариуцах багц
• Албан ёсны TechCrunch сертификат
• Олон улсын хөрөнго оруулагчид, үүсгэн байгуулагчдын сүлжээнд нэгдэх боломж
• OpenAI for Startups хөтөлбөрийн онцгой дэмжлэг, хөнгөлөлтүүд
• TechCrunch болон олон улсын түнш байгууллагуудаар дамжсан дэлхийн хэмжээний сурталчилгаа, танигдалт

Бүртгэлийн хугацаа: 2026 оны 6 дугаар сарын 30 хүртэл

Бүртгүүлэх линк: https://forms.gle/orTCJYTLDDwWxvTn8

Дэлгэрэнгүй мэдээлэл: https://road2battlefield.com/