Цинхуа Их Сургуулийн Schwarzman Scholars 2027 магистрын хөтөлбөр

Энэхүү хөтөлбөр нь БНХАУ-ын Бээжин хот дахь Цинхуа Их Сургуульд хэрэгждэг, нэг жилийн хугацаатай, бүрэн санхүүжилттэй магистрын сургалт бөгөөд Хятад болон дэлхийн бусад улс орнуудын харилцан ойлголцлыг гүнзгийрүүлэх ирээдүйн манлайлагчдыг бэлтгэх зорилготой.

Энэхүү хөтөлбөр нь олон улсын олон талт орчинд суралцаж, өөр өөр соёл, үзэл бодлыг ойлгон хамтран ажиллах хүсэлтэй залуусыг сонгон шалгаруулдаг. Шалгарсан оюутнууд манлайлал, ёс зүй, оюуны чадамж болон бусдыг ойлгох чадвараараа ялгарч, нээлттэй сэтгэлгээтэй, санаачилгатай байдгаараа энэхүү тэтгэлгийг хүртдэг.

Schwarzman Scholars нь олон улсын түвшинд хувь нэмрээ оруулах ирээдүйтэй залуу манлайлагчдыг сонгон шалгаруулах өндөр шалгууртай хөтөлбөр бөгөөд сонгогдсон оролцогчид нь хөтөлбөрийн зорилгыг бодитоор хэрэгжүүлэхэд хувь нэмэр оруулах чадвартай байх ёстой.

Өргөдөл гаргах хугацаа

АНУ болон бусад улсын өргөдөл гаргагчид: 2026 оны 4-р сарын 8-наас 2026 оны 9-р сарын 9
Сонгон шалгаруулалт: 2026 оны 10-11 дүгээр сар
Хөтөлбөр эхлэх хугацаа: 2027 оны 8-р сар

БНХАУ, Хонконг, Макао, Тайванийн өргөдөл гаргагчид

Өргөдөл: 2026 оны 1-5 дугаар сар
Сонгон шалгаруулалт: 2026 оны 6-7 дугаар сар
Хөтөлбөр эхлэх хугацаа: 2027 оны 8-р сар

Сонгон шалгаруулалт: Олон улсын бизнес, төр, боловсролын салбарын нэр хүндтэй удирдагчдаас бүрдсэн комисс өргөдлүүдийг нарийвчлан үнэлнэ. Шалгарсан нэр дэвшигчдийг 10-р сарын сүүл, 11-р сарын эхээр ярилцлагад урьна.

Тэтгэлгийн давуу тал:

• Цинхуа Их Сургуульд бүрэн тэтгэлэгтэй магистрын зэрэг (сургалтын төлбөр, байр, хоол, аяллын зардал багтана)
• Олон улсын харилцаа, төрийн бодлого, эдийн засагт чиглэсэн манлайллын сургалт
• Соёл хоорондын мэдээлэл солилцоо
• Дэлхийн өнцөг булан бүрийн залуу манлайлагчидтай сүлжээ үүсгэх боломж
• Дэлхийн тулгамдсан асуудлыг шийдвэрлэх ур чадвар эзэмших

Тавигдах шаардлага

• Элсэх жилийн 8-р сарын 1-нээс өмнө бакалаврын зэрэгтэй болсон байх
• Элсэх үедээ 18-28 настай байх
• Англи хэлний мэдлэгтэй байх (TOEFL, IELTS, Cambridge эсвэл Duolingo оноо хүлээн зөвшөөрнө)

Өргөдөл гаргах үйл явц

Дараах материалыг онлайнаар англи хэл дээр бүрдүүлэн илгээнэ.

• Онлайн өргөдлийн маягт
• CV/Resume (хамгийн ихдээ 2 нүүр)
• Leadership Essay болон Statement of Purpose гэсэн 2 эсээ
• Дүнгийн хуулбар (Academic Transcript)
• 3 тодорхойлсон захидал
• 1 минутын танилцуулга бичлэг

Анхаарах зүйл: Өргөдлийн маягтыг англи хэлээр бөглөх шаардлагатай.

Өргөдөл хүлээн авах эцсийн хугацаа: 2026 оны 9-р сарын 9

Өргөдөл гаргах холбоос: https://connect.schwarzmanscholars.org/apply/