"Teen Solution 2026" төслийн уралдааныг зарлалаа

Чи өөрийн амьдарч буй орчин, сургууль, эсвэл орон нутагтаа тулгамдаж буй асуудлыг анзаарч, "Үүнийг ингээд өөрчилчихвөл гоё доо..." гэж бодож байсан уу? Тэгвэл тэрхүү санаагаа бодит ажил хэрэг болгож, төслийн санхүүжилт авах боломжтой.

Монгол орны 21 аймаг, сум дүүрэг бүрийн өсвөр үеийнхэнд зориулсан “Teen Solutions” төслийн уралдаан 5 дах жилдээ зарлагдлаа.

Төсөлд тавигдах шаардлага: 

• Төслийг санхүүжилт авснаас хойш 6 сарын хугацаанд хэрэгжүүлэх боломжтой байх (урт хугацаанд үргэлжлэх төслийн хувьд 6 сарын дотор анхны үр дүн гарах боломжтой байх)
• Төслийг хэрэгжүүлэх нийт төсөв 10 сая төгрөгөөс хэтрэхгүй байх 
• Төсөл нь нийгэм, соёл, байгаль орчинд тулгарч буй ямар нэг асуудлыг шийдвэрлэх зорилготой байх;
• Төсөл нь тогтвортой хөгжлийг дэмжих, уур амьсгалын өөрчлөлттэй тэмцэхтэй холбоотой, урт хугацаанд үйл ажиллагааны зардлаа нөхөх ашиг, орлого олдог байвал давуу тал болно. 
• Төслийн санаа нь төрийн болон улсын хийх ёстой ажил биш байх. 

Оролцогчдод тавигдах шаардлага:

• Оролцогчид заавал баг бүрдүүлэн оролцох ба баг тус бүр 3-5 гишүүнтэй байх
• Багийн гишүүд 2026 оны 9 дүгээр сарын байдлаар Ерөнхий боловсролын сургуулийн 9 – 12 дугаар ангид сурагч, эсвэл МСҮТ-ийн оюутан байх
• Багийн бүх гишүүн төсөл үргэлжлэх хугацаанд зохион байгуулагдах арга хэмжээнүүдэд цахимаар болон биеэр оролцох боломжтой байх

Уралдааны үе шатууд:

• V-VI сар: Багууд төслийн өргөдлөө илгээнэ
• VI-VII сар: Өргөдөл илгээсэн бүх баг цахим хэлбэрээр цуврал сургалтанд хамрагдана
• VII сар: Багууд сургалтаас олж авсан мэдлэг, чадвартаа үндэслэн төслийн санаагаа ахин сайжруулж, эцсийн байдлаар илгээнэ
• VIII-X сар: Шилдэг 10 баг шалгарч, менторын тусламжтайгаар төслөө сайжруулж, санхүүжилтийн төлөө өрсөлдөнө
• X сар: Улаанбаатар хотод 2 өдрийн турш чуулж, шүүгч нарт төслийн санаагаа танилцуулж, шилдэг 5 баг төслөө хэрэгжүүлэх БОДИТ САНХҮҮЖИЛТ-ийн эзэн болно. (Хөдөө орон нутгаас шалгарсан багуудын УБ-т ирэх, байрлах бүх зардлыг зохион байгуулагчид хариуцна!) 

Бүртгүүлэх хугацаа: Бүртгэл 2026 оны 6-р сарын 10-ны 23:59 минутанд хаагдана

Хэрхэн бүртгүүлэх вэ: ЭНД дарж төслийн өргөдлөө илгээнэ үү.