Японы жүжигчин Анри Сакагучи дэлгүүрээс сэндвич хулгайлсан хэрэгт сэжиглэгдэн баривчлагджээ.
Kyodo News-ийн мэдээлснээр, гуравдугаар сарын 17-нд Токио хотын Хачиожи дүүргийн нэгэн дэлгүүрээс хулгай хийсэн гэх үндэслэлээр түүнийг баривчилсан байна. Сэндвич ойролцоогоор 300 иен (ойролцоогоор 6 мянган төгрөг) үнэтэй байжээ.
Сакагучи нь 2013 онд таалал төгссөн Японы нэрт жүжигчин Ryoko Sakaguchi-ийн охин юм.
Анри Сакагучи 2017 оноос хойш энтертайнмент салбарт ажиллахаа больсон бөгөөд харин насанд хүрэгчдийн контентод оролцох, хоёр удаа гэрлэж салсан, мөн үр хөндөлт хийлгэсэн тухайгаа олон нийтэд ил болгосон зэрэг шуугиантай асуудлуудаар олны анхаарал татсаар ирсэн.
Мөн хуучин хамтрагчийнхаа гэрт хууль бусаар нэвтэрсэн хэргээр баривчлагдах зэрэг хэд хэдэн хэрэгт холбогдож байжээ. Өнгөрсөн оны 11-р сард хоёр дахь удаагаа салсны дараа тэрээр санхүүгийн бэрхшээлтэй байгаагаа олон нийтийн сүлжээгээр хуваалцаж байжээ.
Та энэ хүслийг өөр дээрээ нэмсэн байна!
Та энэ хүслийг биелүүлсэн байна!
Та хүслээ амжилттай биелүүллээ!
158
4402
2017-06-15