Physical Asia шоу тэмцээнд өрсөлдсөн Австралийн багийн тамирчин Доминик Ди Томмасо /Дом Томато/ Монголд иржээ. Тэрбээр өнөө өглөө нар мандах цагаар Сүхбаатарын талбайд очсон байна. Харин хоёр хоногийн өмнө Монголд ирээд буй, тус шоуны оролцогч БНСУ-ын тамирчин, Жан Ын Шил Чингис хааны Үндэсний музейд зочилж, Чингисийн хөшөөтэй танилцаж буй талаараа өөрийн сошиал платформд нийтэлжээ.
Тэдний тухай товчхон:
Доминик Ди Томмасо бол Австрали гаралтай, фрираннингийн тамирчин бөгөөд Сиднейд амьдардаг. Тэр 2007 оноос фрираннингээр /freerunning-саад давах чөлөөт гүйлт/ хичээллэж эхэлсэн, 2016 оноос Team Farang-д элсэн, мөн “Crew 42” багтай хамтран ажилладаг. Тэрбээр өндөр үсрэлт, олсон дээрх тэнцвэр, ур чадварлаг фрираннингаар алдартай. Сонирхуулахад, тэрбээр инстаграм платформд 3,4 сая дагагчтай юм.
Жан Ын Шил бол Өмнөд Солонгосын чөлөөт бөх мөн уламжлалт Солонгос бөх буюу Ssireum, кроссфит спортыг хослуулан хичээллэдэг нэгэн. Тэрээр 2018 оны Ази наадам зэрэг олон улсын тэмцээнд оролцож, Солонгосын үндэсний шигшээ багийн тамирчин байсан. Улмаар 2022–2024 онд Солонгосын үндэсний “National Sports Festival”-үүдэд эмэгтэйчүүдийн ерөнхий жингийн ангилалд алт авч, “National Wrestling Championships”, “President’s Cup” зэрэг томоохон үндэсний болон уламжлалт бөхийн тэмцээнүүдэд ялж, амжилт гаргаж байсан чадварлаг тамирчин юм.
Та энэ хүслийг өөр дээрээ нэмсэн байна!
Та энэ хүслийг биелүүлсэн байна!
Та хүслээ амжилттай биелүүллээ!
828
31561
2018-09-29