Өнөөдөр Монголын тэнгэрт "Ихэр солирын бороо" үзэгдэнэ

Энэ үзэгдэл нь өнөөдөр буюу долоодугаар сарын 29-нөөс 30-нд шилжих шөнийн 00:00-04:00 цагт хамгийн тод үзэгдэнэ.

"Энэ үед тэнгэр галан зураасаар дүүрч харагдах тул хөдөө тал нутагт илүү үзэсгэлэнтэй байх нь мэдээж. Нүд тань харанхуйд дасахад ердөө 20 минут л хангалттай. Ямар нэгэн дуран, телескоп хэрэггүй, зүгээр л тэнгэр лүү хараарай" хэмээн Одон орон судлаачид мэдээлжээ.

Солирын бороо нь өмнө зүгт харагдах тул: 

• Баянхонгор аймгийн Их Богд орчим
• Өмнөговь аймгийн Даланзадгад орчмын говь
• Хөвсгөл аймгийн Жанхайн өндөрлөг
• Архангай аймгийн Тэрхийн цагаан нуур
• Төв аймгийн Эрдэнэсант, Баянчандмань зэрэг газарт шөнийн тэнгэрт унах солирын бороог үзэхэд гайхалтай харагдах аж.