Польш улсын засгийн газрын тэтгэлгийн бүртгэлийн хугацаа сунгагдлаа

Бүгд Найрамдах Польш Улсад 2025-2026 оны хичээлийн жилд бакалавр, магистрын хөтөлбөрт суралцах иргэдийн сонгон шалгаруулалтын бүртгэлийг техникийн нөхцөлөөс шалтгаалан 2025 оны 4 дүгээр сарын 18-ны өдрийн 17:00 хүртэл сунгаж байна.

Тавигдах шаардлага

• Ерөнхий боловсролын сургуулийн 12 дугаар ангид суралцдаг Монгол Улсын иргэн (2025-2026 оны хичээлийн жилд суралцаж буй хугацааны дүнгийн хуулбар 85+)
• Монгол Улсын магадлан итгэмжлэгдсэн их, дээд сургууль, коллежийн 1, 2 дугаар ангид суралцагч Монгол Улсын иргэн (голч дүн 3.2 ба түүнээс дээш)
• Магистрын хөтөлбөрт суралцах хүсэлт гаргагч нь бакалаврын зэрэгтэй Монгол Улсын иргэн (голч дүн 3.2 ба түүнээс дээш, 2-оос доошгүй жил ажилласан туршлагатай, 35 хүртэлх насны)
• Өмнө нь Засгийн газрын тэтгэлэгт хамрагдаагүй байх;

Суралцах мэргэжлийн чиглэл:

• Хөдөө аж ахуй
• Мэдээлэл, харилцаа холбооны технологи
• Хүрээлэн буй орчин судлал
• Нано шинжлэх ухаан, инженерчлэл
• Сургуулийн өмнөх болон бага боловсролын багш
• Тусгай хэрэгцээт боловсрол
• Биотехнологи, био-инженерчлэл
• Хими, биологи

Дэлгэрэнгүй мэдээллийг ЭНД дарж авна уу.

Системд ачаалал үүсэх магадлалтай тул бүртгэлийн сүүлийн цагт хандахгүй байхыг зөвлөж байна. 
Бүртгэлийн системтэй холбоотой асуултыг ажлын өдөр 09.00-17.00 цагт:

• Боловсролын мэдээллийн технологийн төвийн 75772727 дугаараас
• Тэтгэлэгтэй холбоотой асуултыг Боловсролын яамны Гадаад хамтын ажиллагааны газрын 51263495 дугаараас аваарай.