ESL-ээс зохион байгуулдаг, мажортой дүйцэхүйц 1 сая ам.долларын шагналын сантай "IEM Katowice 2023" тэмцээнд амжилттай оролцсон Монголын IHC Esports багийн чансаа ахижээ.
CSGO-ын мэдээлэл, тэмцээн уралдааны статистик гаргадаг хамгийн том байгууллага HLTV-ээс эрхлэн гаргадаг дэлхийн чансаа энэ сарын 6-нд шинэчлэгдсэн байна. Нэгдүгээр сарын 30-ны байдлаар 36-д бичигдэж байсан IHC Esports тус чансаагаар 15 байр ахиж 21-д жагсжээ.
Ийнхүү Бразилын paiN, Америкийн Evil Geniuses, Португалын SAW зэрэг алдарт багуудын дээр бичигдсэн байна.
CSGO-ын дэлхийн чансааг Европын G2 Esports тэргүүлдэг. Тэд өнгөрсөн шөнө "IEM Katowice 2023" тэмцээнд Данийн Heroic багийг 3-1 харьцаагаар хожиж түрүүлсэн билээ.
Харин E-Sport-ын тэмцээн уралдаан зохион байгуулдаг ESL-ын чансаагаар Хятадын Lynn Vision багийн доор 44-р байрт хэвээр үлджээ.
Та энэ хүслийг өөр дээрээ нэмсэн байна!
Та энэ хүслийг биелүүлсэн байна!
Та хүслээ амжилттай биелүүллээ!
99
3707
2017-11-27