“Sons of Anarchy” эргэн ирнэ: 10 гаруй жилийн дараа жүжигчид дахин нэгдэнэ

“Legends” нэртэй богино цувралд алдарт хууль бус мотоциклийн бүлэглэлийн тухай драмын гол дүрүүдийн жүжигчид дахин нэг дор цуглах юм.

Цувралын албан ёсны танилцуулгад:

“Sons of Anarchy” киноны жүжигчид 10 гаруй жилийн дараа фэнүүдийн уулзалт дээр дахин цуглана. Гэвч амьдрал болон урлагийн зааг бүдгэрч, урьд өмнө нь эвдэрсэн ахан дүүсийн харилцаатай байсан тэд өөрсдийн цуврал дээр тулгарч байснаас ч илүү аюултай, бодит ертөнцийн заналхийлэлтэй нүүр тулна.”

Тус цувралд:

• Чарли Ханнэм — Жакс
• Рон Перлман — Клэй
• Кэти Сагал — Жемма
• Мэгги Сифф — Тара
• Марк Бун Жуниор — Бобби
• Томми Флэнаган — Чибс
• Ким Коутс — Тиг
• Тео Росси — Жүүc нар эргэн тоглоно.

Цувралын товч агуулгад:

“Sons of Anarchy”-ийн жүжигчид 10 гаруй жилийн дараа фэнүүдийн уулзалт дээр дахин цуглана. Гэвч амьдрал болон урлагийн зааг бүдгэрч, эвдэрч бутарсан ахан дүүсийн холбоо өөрсдийн тоглосон цувралд тулгарч байснаас ч илүү аюултай, бодит ертөнцийн заналхийлэлтэй нүүр тулна.

Харин “Legends”-ийн хамгийн сонирхолтой зүйл нь жүжигчид өмнөх дүрүүдээ шууд үргэлжлүүлэн тоглохгүй, харин “Sons of Anarchy”-ийн жүжигчид өөрсдийнхөө зохиомол хувилбарыг бүтээх явдал юм.

Энэхүү ухаалаг шийдэл нь “Sons of Anarchy”-ийн жүжигчдийг эргэн нэгтгэхэд тулгардаг хамгийн том асуудлыг тойрч гарч байгаа юм. Учир нь цувралын гол дүрүүдийн ихэнх нь нас барсан.

“Sons of Anarchy” ямар цуврал байсан бэ?

Курт Саттерийн бүтээсэн “Sons of Anarchy” нь FX анхны зохиолт драмын цувралуудаа хүчтэй хөгжүүлж эхэлж байсан үедээ гаргасан хамгийн том амжилтуудын нэг байв.

Тус цуврал 2008 онд нээлтээ хийж, нийт 7 улирал, бараг 100 анги үргэлжилсэн.

Цувралд Чарли Ханнэм Жакс Теллерийн дүрийг бүтээдэг. Жакс Калифорнийн Төв хөндийд үйл ажиллагаа явуулдаг хууль бус мотоциклийн клубыг удирдаж эхлэх бөгөөд уг клубыг өмнө нь түүний аав удирдаж байсан түүхтэй.

Тухайн үед Sons of Anarchy нь FX-ийн хамгийн өндөр рейтингтэй цуврал болж, The Shield, Nip/Tuck, Rescue Me зэрэг алдартай бүтээлүүдийг давж байжээ.

Тус цувралаас 2018 онд “Mayans M.C.” нэртэй спин-офф төрсөн. Уг бүтээл нь Mayans Motorcycle Club-ийн тухай өгүүлж, гол дүрд Ж.Д. Пардо тоглосон. Mayans M.C. нийт 5 улирал үргэлжилж, 2023 онд дууссан.

Нэг ёсондоо “Legends” бол Жакс Теллерийг шууд амилуулсан үргэлжлэл биш. Харин Жакс болон бусад дүрүүдийг бүтээсэн жүжигчид өөрсдийнхөө дүрд тоглож, “Sons of Anarchy”-ийн жүжигчид бодит амьдрал дээр дахин уулзсан мэтээр өрнөх маш сонирхолтой мета-үргэлжлэл юм.