Зуны улирал эхэлмэгц хүмүүс аялал зугаалга хийх, хөдөө гадаа гарах нь ихэсдэг. Энэ үед хамгийн түгээмэл тулгардаг асуудлын нэг бол шумууланд хазуулах явдал юм. Шумуулын хазалт нь ихэнхдээ аюулгүй байдаг ч загатнах, хавдах, улайх зэрэг таагүй шинж тэмдэг илэрдэг. Зарим тохиолдолд харшил өгөх эсвэл халдварт өвчин дамжуулах эрсдэлтэй байдаг учир зөв арчилгаа хийх нь чухал юм.
1.Хазуулсан хэсгийг маажихгүй байх хэрэгтэй. Маажих үед арьс гэмтэж, нян орсноор халдвар үүсэх эрсдэл нэмэгддэг. Загатнаа тэсвэрлэхэд хэцүү байсан ч аль болох хүрэхгүй байх нь зөв.
2.Хазуулсан хэсгийг саван, цэвэр усаар угаах хэрэгтэй. Энэ нь арьсан дээрх бохирдол, нянг арилгаж, үрэвсэхээс хамгаална.
3.Хүйтэн жин тавих нь хавдар болон загатнааг багасгахад тустай. Мөсийг шууд арьсан дээр хүргэхгүйгээр алчуурт боож 10–15 минут жин тавих хэрэгтэй.
4.Загатнаа дарах тос, түрхлэг хэрэглэж болно. Каламин лосьон болон антигистамин найрлагатай тос нь арьсыг тайвшруулж, таагүй мэдрэмжийг бууруулдаг.
5.Харшлын шинж тэмдэг илэрч байгаа эсэхийг анхаарах хэрэгтэй. Хэрэв нүүр хавдах, амьсгалахад хүндрэлтэй болох, бүх биеэр тууралт гарах зэрэг шинж илэрвэл яаралтай эмчид хандах шаардлагатай.
6.Хазуулсан хэсэг хэт улайж өвдөх, идээлэх шинж илэрвэл халдвар орсны дохио байж болно. Ийм үед мэргэжлийн эмчид үзүүлэх хэрэгтэй.
7.Шингэн сайн уух нь биеийн нөхөн сэргэлтэд тустай. Ус сайн ууснаар арьсны цочрол бага зэрэг намддаг.
8.Хүүхдүүдийг онцгой анхаарах хэрэгтэй. Хүүхэд маажих нь амархан тул хумсыг нь богино байлгаж, хазуулсан хэсгийг цэвэрхэн байлгах шаардлагатай.
9.Дахин шумууланд хазуулахаас сэргийлэх нь чухал. Шумуул үргээгч хэрэглэх, тор татах, урт ханцуйтай хувцас өмсөх нь хамгаалалт болдог.
10.Халуурах, толгой өвдөх, бие сульдах зэрэг шинж тэмдэг илэрвэл эмчид яаралтай хандах хэрэгтэй. Учир нь зарим төрлийн шумуул халдварт өвчин дамжуулах аюултай байдаг.
Та энэ хүслийг өөр дээрээ нэмсэн байна!
Та энэ хүслийг биелүүлсэн байна!
Та хүслээ амжилттай биелүүллээ!
138
5279
2018-01-25