“Тогтвортой хөгжлийн зорилго ба хүүхэд залуучуудын оролцоо” сургалтын бүртгэл эхэллээ

Нэгдсэн Үндэстний Байгууллага үүсэн байгуулагдсаны 80 жилийн ойг тохиолдуулан НҮБ-ын Нийгэмлэг ТББ-аас Ерөнхий боловсролын сургуулийн сурагчдад зориулан “Тогтвортой хөгжлийн зорилго ба хүүхэд, залуучуудын оролцоо” сэдэвт сургалтыг зохион байгуулах гэж байна.

Сургалт нь 40-60 минут үргэлжлэх бөгөөд нийслэл, орон нутагт танхим, цахимаар явагдах боломжтой.

ЭНЭХҮҮ СУРГАЛТААР СУРАГЧИД:

• Нэгдсэн Үндэстний Байгууллага болон түүний зорилго, үйл ажиллагаатай танилцах
• Тогтвортой хөгжлийн зорилгуудын ач холбогдлыг ойлгох
• Хүүхэд, залуусын оролцоо, хувь нэмэр оруулах боломжуудын талаар мэдлэгтэй болох болно.

ХЭН БҮРТГҮҮЛЭХ БОЛОМЖТОЙ ВЭ?

• Улаанбаатар хот болон орон нутаг дахь ЕБС-иудын багш, нийгмийн ажилтан, сургуулийн захиргаа
• Орон нутаг (танхим): Ховд (Ховд), Дорноговь (Сайншанд), Хөвсгөл (Мөрөн), Өмнөговь (Ханбогд), Өвөрхангай (Арвайхээр), Дархан хот - эдгээр аймаг, сумдуудын сургуулиудад танхимаар хичээл орох боломжтой
• Орон нутаг (цахим): дээр дурдсан аймаг/сумдаас бусад сургуулиудад цахимаар сургалт орох боломжтой

АНХААРАХ ЗҮЙЛС:

Хүсэлт гаргасан бүх сургуульд сургалт орох боломжгүй байх магадлалтайг анхаарна уу. 

Зөвшөөрөл: Сургалт нь танай сургуулийн удирдлагын зөвшөөрлийн дагуу зохион байгуулагдана. 

Сертификат: Сургалтад хамрагдсан АНГИ эсвэл СУРГУУЛЬ-д 1 сертификат олгох боломжтой. Хүүхэд бүрт сертификат олгох боломжгүй.

Сошиал медиа: Тус сургалтыг НҮБ-ын 80 жилийн ойг тэмдэглэх санаачилгын хүрээнд явуулж буй учир сургалтад хамрагдсан сургуулиуд #UN80 #UNDay2025 #UNMongolia зэрэг хаштаг-ийг ашиглаж санаачилгад нэгдэх боломжтой.  

Бүртгэл: 2025 оны 10 сарын 10-ны өдрийн 23:59 цаг хүртэл явагдана. 

Бүртгэл дууссанаас хойш 10-р сарын 15-ны дотор холбогдож сургалтын зохион байгуулалтын талаар ярилцана. Сургалтын талаар асууж тодруулах зүйл байвал info@unamongolia.com эсвэл UNAssociationMGL Facebook page-р холбогдоно уу.

Бүртгэлийн холбоос: "Тогтвортой хөгжлийн зорилго ба хүүхэд, залуучуудын оролцоо" сургалтын бүртгэл