Эр хүний талаарх хуучирсан 10 ойлголт

Өмнө нь эр хүн гэдэг нь хатуу чанга, сэтгэл хөдлөлөө нуусан нэгнийг хэлдэг байв. Харин өнөөдөр эрчүүд энэ хэвшмэл ойлголтыг эвдэж, сэтгэл хөдлөлөө ойлгодог, хамт олонч, илүү уян хатан болжээ. Доор эр хүний тухай хуучны 10 ойлголтыг дурдлаа.

1. “Эрчүүд уйлдаггүй.”

Олон үеийн турш эрчүүдийг уйлах, гуниг мэдрэхээ харуулах нь сул дорой шинж гэж сургасан. Гэтэл сэтгэлээ дарж нуух нь уур бухимдал, ганцаардал, сэтгэлийн дарамтыг бий болгодог. Орчин үед олон эрчүүд сэтгэлээ илэрхийлэхийг зөв гэж үзэж, нулимс нь сул доройгийн дохио биш, харин эдгэрэл, сайхан харилцааны эхлэл гэдгийг ойлгожээ.

2. “Жинхэнэ эр хүн хэзээд хатуу чанга байх ёстой.”

Эр хүн хатуу, түрэмгий, буулт хийдэггүй байх ёстой гэх ойлголт нь эрчүүдийг сэтгэлээ дотогш нуухад хүргэсэн. Харин үнэн хэрэгтээ энэ “хатуу чанар” нь хортой. Энэ нь хүний  сэтгэцийн эрүүл мэндийг доройтуулж, дотно харилцаа үүсгэхэд нөлөөлдөг. Шинэ эр хүний ойлголт нь энэрэнгүй, уян хатан байдал, сэтгэл хөдлөлийн ухаалаг байдал юм.

3. “Эрчүүдэд дотно эрэгтэй найз байх ёсгүй.”

Хуучны ойлголт эрчүүдийн хоорондын сэтгэл хөдлөлийн ойр дотно харилцааг буруу гэж сургадаг байв. Үүний үр дүнд өнөөдөр олон эрчүүд “найзын хомсдол” гэж нэрлэгдэх нөхцөлд орсон. Өөрөөр хэлбэл ойр дотно найз нөхөд цөөрсөн. Энэ хэвшмэл ойлголтыг эвдэхийн тулд илүү чин сэтгэлийн, үнэнч нөхөрлөлийг бий болгож, сэтгэцийн болон нийгмийн хувьд илүү эрүүл байх хэрэгтэй.

4. “Эр хүн гэр бүлээ тэжээгч байх ёстой.”

Өмнө нь эр хүний гол утга учир нь мөнгө олох, гэр бүлээ тэжээхэд төвлөрдөг байв. Харин өнөөдөр эрчүүд үүргээ зөвхөн орлогоороо тэргүүлэх бус, хамтын хүчээр амьдардаг болсон. Гэрийн ажлыг хуваалцах, сэтгэл санааны дэмжлэг үзүүлэх, тэгш харилцаатай байх нь жинхэнэ хүч гэж тооцогдож байна.

5. “Эр хүнд сэтгэл санааны дэмжлэг хэрэггүй.”

Тусламж хүсэх нь эр хүнийг сул дорой болгодог гэсэн ойлголт олон үеийн турш эрчүүдийг бүхнийг өөрөө үүрэхэд хүргэсэн. Харин одоо найз, гэр бүл эсвэл сэтгэл засалчид хандах нь зоригтой, эрүүл, зайлшгүй хэрэгтэй алхам гэж тооцогддог. 

6. “Эр хүн эмэгтэйгээсээ илүү их орлого олох ёстой.”

Олон арван жилийн турш эр хүний үнэ цэнэ нь цалингаас нь хамаардаг, жинхэнэ эр хүн эхнэр/найз бүсгүйгээсээ илүү мөнгө олох ёстой гэсэн ойлголт байсан. Энэ нь эрчүүдэд хэт дарамт учруулж, хүйсийн тэгш бус байдлыг улам бүр хүчирхэгжүүлсэн. Харин өнөөдөр олон хос энэ хуучирсан дүрмийг үгүйсгэж байна. Эмэгтэйчүүдийн орлого дэлхий даяар өсөж, олон айл өрхөд эмэгтэйчүүд гол эсвэл тэнцүү орлогын эх үүсвэр болжээ. Орчин үеийн эр хүний үнэ цэнэ нь мөнгөний давамгайлалд бус, харин түншлэл, хүндлэл, хамтын хариуцлагад оршиж байна.

7. “Alpha эр хүн дандаа удирдагч байх ёстой.”

Хуучны ойлголтоор эр хүн бүхнийг удирдаж, давамгайлах ёстой байсан. Орчин үеийн эрчүүд энэ дүрмийг өөрчилж байна: жинхэнэ удирдагч гэдэг нь энэрэнгүй, хамт олонч, дэмжигч байхыг хэлнэ. Удирдлага гэдэг нь итгэлцэл, хүндлэл, бусдыг дээш өргөхөд оршдог болохоос биш хамгийн их эрх мэдлийг авахад бус юм.

8. “Эр хүн өөрийгөө арчлах ёсгүй, эрхлүүлэх хориотой.”

Өмнө нь өөрийгөө арчлах, амарч тав тухтай байх нь эмэгтэйчүүдэд хамаарна гэж үздэг байв. Харин одоо энэ хандлага өөрчлөгдөж, эрчүүд эрүүл мэнд, сэтгэл санаа, биеийн арчилгааг хүчнийхээ нэг хэсэг гэж хүлээн зөвшөөрч байна.

9. “Эр хүн хэзээд эмэгтэйгээсээ өндөр, том биетэй байх ёстой.”

Нийгэм олон жил эр хүний эршүүд чанарыг өндөр, том биетэй байдлаар хэмжиж ирсэн. Харин өнөөдөр хосууд энэ дүрмийг эвдэж байна: хайр, хүндлэл нь метрээр хэмжигдэхгүй. Эмэгтэй нь өндөр, хүчтэй байсан ч, үүнд санаа зовдоггүй харилцаа олон. Жинхэнэ үнэ цэнэ нь итгэлтэй байдал болохоос биш өндөр намд биш.

10. “Эр хүн эхлээд алхам хийх ёстой.”

Хуучны болзооны дүрмээр бүх дарамт эрчүүдэд оногддог байв: тэд яриа эхлүүлэх, болзоонд дуудах, хайраа удирдах ёстой байсан. Энэ нь айдас, дарамт үүсгэдэг. Өнөөдөр эмэгтэйчүүд ч эхний алхам хийх нь элбэг, хосууд харилцан сонирхол дээр тулгуурласан бодит холбоог илүү үнэ цэнэтэй гэж үзэж байна. Орчин үеийн эр хүн болзоонд тэгш байдлыг хүлээн зөвшөөрч, жинхэнэ үнэнч байдлыг эрхэмлэж байна.