Энгийн хувцсыг загварлаг болгох 12 арга

Гэрийн хувцсаа хэрхэн оффис эсвэл ресторанд тохирохоор өмсөх вэ? Ингээд эдгээр 12 загварлаг хувцаслалтын санааг хамт харцгаая.

1. Сул загварын пиджак + бариу макси даашинз

Газар шүргэм урт макси даашинз нь улирал үл хамааран өмсөхөд тохиромжтой. Том, сул пиджак нөмөргөхөд илүү дулаан, тухтай мэдрэмж төрүүлнэ.

2. Кардиган эсвэл хүрэм + жинсэн шорт

Богино жинсэн шорт нь зуны халуунд тохиромжтой ч энгийн футболкатай хослуулбал уйтгартай харагдана. Харин хөнгөн кардиган, нимгэн цамц эсвэл сул хүрэмтэй хослуулбал цоо шинэ сэтгэгдэл төрүүлнэ. Гол нь завсрын өнгийн топ сонгох хэрэгтэй.

3. Хар футболка + цэнхэр сул жинс

Цэнхэр сул жинс энэ улирлын гол тренд. Үүнийг энгийн хар футболкатай хослуулж болно. Хүйтэрвэл гадуур хүрэм нэмэхэд дүр төрх өөрчлөгдөхгүй.

4. Том принттэй футболка + миди банзал

Том, тод зурагтай футболка нь хүүхэд шиг харагдах хандлагатай. Гэхдээ миди банзалтай хослуулбал энгийн бөгөөд загварлаг болно. Сагсан цүнх нэмбэл зуны улиралд тохирно. Өөр хувилбар нь богино плисэн банзалтай хослуулах. Cropped топтой зохимжгүй.

5. Торгон цамц + карго банзал

Карго банзал 2000-аад оны эхэнд тренд болж байсан бөгөөд саяхан дахин эргэн ирлээ. Энгийн монохром топ, пүүзтэй хослуулбал уйтгартай харагдана. Харин торгон цамц, сандаал эсвэл өсгийтэй гуталтай хослуулбал маш дэгжин болно.

6. Цагаан урт банзал + судалтай топ

Урт банзал энэ улиралд дахин тренд болов. Жижиг хээтэй цамцтай хослуулбал хэтэрхий энгийн харагдаж болно. Харин судалтай футболкатай бол даруухан мөртлөө тансаг харагдана.

7. Спорт өмд + сонгодог цамц

Сул, өргөн спорт өмдийг ихэвчлэн гэрт эсвэл спорт зааланд өмсдөг. Харин сул цамцтай хослуулбал соёлын арга хэмжээ, кофе шоп, үзэсгэлэн зэрэгт явахад ч тохирно.

8. Урт жинсэн банзал + сонирхолтой топ

Жинсэн урт банзлыг зөв топтой хослуулбал дэгжин харагдана. Энгийн цагаан футболкатай уйтгартай, харин мөрөө ил гаргасан топтой бол зуны халуунд ч тохиромжтой загвар гарна.

9. Платформон сандал + хөвсгөр банзал

Платформон сандаалыг зөв хувцастай хослуулах амаргүй. Тэнцвэрийг хадгалах хэрэгтэй. Богем стильтэй урт, намирсан банзал хамгийн тохиромжтой. Харин пүүзтэй бол макси банзал уйтгартай харагдаж болно.

10. Леггинс + пиджак

Леггинсийг загварлаг байдлаар өмсөж болно. Сул пиджактай хослуулж болно. Тэгэхдээ нэг өнгөөр сонговол тохиромжтой.

11. Богино топ + өргөн өмд

Одоо тренд болж буй палаззо өмдийг хамгийн загварлаг харагдуулах арга бол богино топтой хослуулах. Энэ нь бэлхүүсийг тодотгоно. Гэдсээ ил гаргах дургүй бол  бариу топ эсвэл кардиган өмсөх хэрэгтэй.