Эквадорын Гуаякиль хотод жүдо бөхийн өсвөр үеийн Дэлхийн аварга шалгаруулах тэмцээн эхэллээ. Тус тэмцээний эхний өдөр Монголын жүдоч Ж.Энхтөр хөвгүүдийн 60 кг-ын жинд хүрэл медаль хүртлээ.
Энэ жилийн өсвөр үеийн ДАШТ-д 59 орны 457 жүдоч оролцож байгаа бөгөөд Монгол Улсаас хөвгүүдийн 10, охидын есөн тамирчин хүч сорьж байна.
Хөвгүүдийн 60 кг-ын жинд Монгол Улсыг төлөөлөн А.Даваабаатар, Ж.Энхтөр нар барилдсан.
Монголын хоёр тамирчин хүрэл медалийн төлөө учраа таарч, барилдаанд Ж.Энхтөр цэвэр ялалт байгуулснаар хүрэл медалийн эзэн болсон байна.
Мөн охидын 44 кг-ын жинд Ц.Амин-Эрдэнэ шагналт тавдугаар байр эзэлжээ.
Тэмцээний эхний өдрийн байдлаар Казахстан нэг алт, хоёр мөнгө, хоёр хүрэл медаль хүртэж, медалийн чанараар тэргүүлж байна.
Та энэ хүслийг өөр дээрээ нэмсэн байна!
Та энэ хүслийг биелүүлсэн байна!
Та хүслээ амжилттай биелүүллээ!
494
4451
2021-12-02