"The MongolZ" багийн оролцож буй Esports World Cup-2026 тэмцээний тоглолтууд өнөө орой эхэлнэ

Өмнөх хоёр жил Саудын Арабын Эр-Рияд хотод зохион байгуулагдсан “Esports World Cup 2026” тэмцээн энэ жил Францын нийслэл Парис хотод наймдугаар сарын 12–23-ны өдрүүдэд зохион байгуулагдана.

Дэлхийн шилдэг 32 баг нэг дор цуглан хоёр сая долларын шагналын сангийн төлөө өрсөлдөнө.

Өмнөх хоёр жилийн аваргаар Natus Vincere болон The MongolZ тус тус  тодорч байсан билээ.

Манай багийн хувьд Group D хэсэгт хуваарилагдсан бөгөөд Group Stage шатны эхний тоглолтоо magic багийн эсрэг өнөөдөр буюу 8-р сарын 12-ны 21:20 цагаас хийнэ. 

Формат:

• Тэмцээний хэсгийн шатанд нийт 32 багийг дөрвөн хэсэгт хувааж, хэсэг бүрд 8 баг Double Elimination форматаар өрсөлдөнө. 
• Хэсгийн эхний тоглолтууд BO1, үлдсэн тоглолтууд BO3 форматаар явагдах бөгөөд хэсэг бүрээс шилдэг 4 баг Playoffs шатанд шалгарна.
• Playoffs шат Single Elimination форматаар явагдана. Grand Final-ээс бусад бүх тоглолт BO3, финал BO5 байна.