WIPO Fellowship 2026: Швейцарт НҮБ-ын байгууллагад ажиллаж, туршлага хуримтлуулах бүрэн санхүүжилттэй боломж

Олон улсын байгууллагад ажиллаж, дэлхийн хэмжээний мэргэжлийн туршлага хуримтлуулахыг зорьдог залууст нэгэн сонирхолтой боломж нээгдлээ. Дэлхийн Оюуны Өмчийн Байгууллага (World Intellectual Property Organization – WIPO) нь 2026 оны Fellowship хөтөлбөрийн бүртгэлээ албан ёсоор зарласан бөгөөд дэлхийн өнцөг булан бүрийн төгсөгчид, залуу мэргэжилтнүүдийг Швейцарын Женев хотод ажиллаж, суралцахыг урьж байна.

WIPO нь Нэгдсэн Үндэстний Байгууллагын төрөлжсөн байгууллага бөгөөд дэлхий даяар оюуны өмчийн эрхийн тогтолцоог хөгжүүлэх, инноваци болон бүтээлч салбарын өсөлтийг дэмжих чиглэлээр үйл ажиллагаа явуулдаг. Энэхүү Fellowship хөтөлбөр нь оролцогчдод олон улсын байгууллагын бодит ажлын орчинд ажиллахын зэрэгцээ мэргэжлийн ур чадвараа хөгжүүлэх ховор боломжийг олгодог.

Хөтөлбөрийн үндсэн мэдээлэл

• Зохион байгуулагч: World Intellectual Property Organization (WIPO)
• Байршил: Женев, Швейцар
• Хугацаа: 12–36 сар
• Санхүүжилт: Бүрэн санхүүжилттэй
• Материал хүлээн авах эцсийн хугацаа: 2026 оны 8 дугаар сарын 7

Санхүүгийн дэмжлэг

Сонгогдсон оролцогчид дараах санхүүгийн болон бусад дэмжлэгийг авах боломжтой.

• Сард 3,000–8,000 швейцар франк (CHF) хүртэлх тэтгэлэг
• Швейцар руу ирэх, буцах хоёр талын нислэгийн зардал
• Виз мэдүүлэхэд шаардлагатай дэмжлэг
• Эрүүл мэнд болон ажлын ослын иж бүрэн даатгал
• Сард 2.5 өдрийн тооцоотой цалинтай амралт
• Албан ёсны баярын амралтын өдрүүд
• Мэргэжлийн сургалт, хөгжлийн олон боломж
• WIPO Academy-ийн сургалтад хамрагдах эрх
• Жил бүр 6 хүртэлх өдрийн сургалтын чөлөө

Хэн хамрагдах боломжтой вэ?

Өргөдөл гаргагч нь дараах үндсэн шаардлагыг хангасан байх шаардлагатай.

• Бакалаврын зэрэгтэй байх
• Зарим ажлын байр магистр, докторын зэрэг эсвэл холбогдох ажлын туршлага шаардаж болно
• Англи хэлний бичгийн болон ярианы өндөр түвшний мэдлэгтэй байх
• Сонгосон ажлын байрны тусгай шаардлагыг хангах
• Насны хязгааргүй

Бүрдүүлэх материал

Өргөдөл гаргахдаа дараах материалыг шаардаж болно.

• Шинэчилсэн CV (Resume)
• Cover Letter
• Дүнгийн хуулбар
• Диплом, зэрэг баталгаажуулах баримт
• Хэлний мэдлэгийн баталгаа (шаардлагатай бол)
• Тухайн ажлын байрны зар дээр дурдсан бусад материал

Хэрхэн өргөдөл гаргах вэ?

Өргөдлийг WIPO-ийн албан ёсны цахим ажилд авах системээр дамжуулан онлайнаар илгээнэ. Өргөдөл гаргахаасаа өмнө сонирхож буй Fellowship-ийн шаардлагыг сайтар уншиж, CV болон Cover Letter-ээ тухайн ажлын байрны онцлогт нийцүүлэн бэлтгэх нь сонгогдох боломжийг нэмэгдүүлнэ.

Яагаад энэ хөтөлбөрийг сонгох хэрэгтэй вэ?

WIPO Fellowship нь зөвхөн санхүүгийн дэмжлэг авах боломж биш бөгөөд дэлхийн тэргүүлэх олон улсын байгууллагад ажиллаж, олон улсын мэргэжилтнүүдтэй хамтран туршлага хуримтлуулах, карьерын үнэ цэнтэй сүлжээ бий болгох боломж юм. Ялангуяа хууль, оюуны өмч, эдийн засаг, технологи, судалгаа, орчуулга зэрэг чиглэлээр суралцаж буй болон ажиллаж буй залууст энэхүү хөтөлбөр нь ирээдүйн карьерт томоохон давуу тал болох боломжтой.

Өргөдөл хүлээн авах хугацаа богино байгаа тул сонирхож буй хүмүүс 2026 оны 8 дугаар сарын 7-ноос өмнө материалаа бүрдүүлэн илгээхийг зөвлөж байна

https://www.wipo.int/en/web/working-at-wipo/fellowship-program