Залуу Манлайлал Хөтөлбөрийг (YLP) зарлалаа

Зориг Сангийн ууган хөтөлбөр болох Залуу Манлайлал Хөтөлбөр (YLP) 23 дaхь жилдээ зарлагдлаа.

Хөтөлбөрт хамрагдсанаар:

• Монгол болон олон улсад тулгарч буй асуудлуудтай цогцоор нь танилцана
• Олон салбарын туршлага бүхий манлайлагчдаас суралцана, танилын хүрээгээ тэлнэ
• Нийгмийн оролцоо, манлайлал, хамтын ажиллагаа, харилцааны ур чадвараа сайжруулна
• Хөтөлбөрөөс сурч мэдсэн зүйлс дээрээ тулгуурлан 3-4 багт хувагдан нийгэмд чиглэсэн төсөл хэрэгжүүлнэ

Тавигдах шаардлага:

• 25 хүртэлх настай
• Их, дээд сургууль төгссөн байх
• Долоо хоногт 3 хүртэлх цаг зарцуулж идэвхтэй оролцох боломжтой
• Улаанбаатар хотод оршин суудаг байх
• Өөрийгөө хөгжүүлж, шинийг суралцах хүсэл эрмэлзэлтэй байх

Хөтөлбөрийн  тухай:

Залуу манлайлал хөтөлбөр нь нийгэмдээ эерэг өөрчлөлт авчрах, хувь нэмрээ оруулах эрмэлзэлтэй, ажлын гараагаа эхлүүлж буй их дээд сургуулиа төгссөн 25 хүртэлх насны залууст дэлхий дахинд болон Монгол улсад тулгарч буй асуудлуудын талаар цэгцтэй ойлголт өгөх, хөгжин дэвшихэд нь туслалцаа үзүүлэх зорилготойгоор 2003 оноос хойш хэрэгжиж байна.

Хөтөлбөрт хамрагдсан залуус 8 сарын турш сургалт, уулзалтуудад хамрагдахаас гадна нийгэмд чиглэсэн төслийг санаачлан хэрэгжүүлнэ.

Хөтөлбөрт хамрагдахыг хүсвэл 2025 оны 10 сарын 2-ны 23:59 цагаас өмнө өргөдлийн маягтыг онлайнаар ЭНД дарж бөглөх боломжтой.