Өөртөө итгэлтэй хүмүүсийн 8 зуршил

Өөртөө итгэл дүүрэн, гэрэлтсэн хүнийг чи харсан л байх. Мөн хүнд бэрхшээлээс ухаалгаар давж гарсан хүнийг ч мэдэх байх. Гэхдээ тэд ийм түвшинд хэрхэн хүрсэн бэ гэдгийг ойлгоход амархан биш.

Өөртөө итгэлтэй хүмүүсийн нийтлэг  8 зуршлыг хамтдаа сонирхоцгооё.

1) ТЭД УХАМСАРТ БАЙДАЛ (MINDFULNESS) -ЫГ ӨДӨР ТУТМЫН АМЬДРАЛДАА ХЭРЭГЛЭДЭГ

Mindfulness гэдэг нь тухайн агшинд анхаарлаа төвлөрүүлж, сэтгэл хөдлөлөө хянах арга юм. Энэ дадал тэднийг мэдрэмжүүддээ живэхгүй, харин гаднаас нь ажиглах чадвартай болгодог. Ингэснээр тэд бие махбод, сэтгэлийн тогтвортой байдлаа хадгалж, үнэлэмжээ өсгөж чаддаг.

2) ТЭД ӨӨРТӨӨ ӨРШӨӨЛТЭЙ ХАНДДАГ

Бид бүгд өөрсдийгөө хамгийн их шүүмжилдэг. Жишээ нь: Нэгэн удаа би ажлын чухал илтгэл дээрээ алдаа гаргаж түүндээ өөрийгөө олон хоног шүүмжилж, дахин дахин тэр мөчийг санаж байлаа. Гэвч найз маань нэг зөвлөгөө өгсөн юм:

"Өөрийгөө сайн найз шигээ уучилж бай."

Тэр үеэс би өөрийгөө илүү уучилж сурсан. Өөртөө өршөөлтэй байх, төгс төгөлдөр биш байхаа зөвшөөрөх нь өөрийгөө үнэлэх үнэлэмжийг нэмэгдүүлэх маш том алхам юм.

3) ТЭД ЭРҮҮЛ ХЯЗГААР ТОГТООДОГ

"Үгүй" гэж хэлэх нь муу зүйл биш. Харин өөрийгөө хамгаалах ухаалаг арга юм. Хязгаар тогтоож чаддаг хүмүүс бусадтай харилцахдаа илүү эрүүл, өөртөө үнэнч байдаг. Ингэснээр тэд сэтгэлзүйн хувьд туйлдахгүй, стрессээс хамгаалагддаг:

4) ТЭД ӨСӨЛТИЙН СЭТГЭЛГЭЭ (GROWTH MINDSET) ХӨГЖҮҮЛДЭГ

Сорилт, бүтэлгүйтлийг тэд боломж гэж хардаг. Алдаан дээрээ суралцаж, урагш ахина гэдэгт итгэдэг. Өсөлтийн сэтгэлгээтэй хүмүүс:

• Алдаа гаргах нь байгалийн зүйл гэдгийг хүлээн зөвшөөрдөг
• Ялагдлыг боломж болгон хардаг
• Өөрийгөө тасралтгүй сайжруулахыг зорьдог

5) ТЭД БАЯРЛАЖ ТАЛАРХДАГ (GRATITUDE)

Сайн сайхан зүйлсийг олж харах нь өөрийгөө үнэлэх үнэлэмжийг асар их дээшлүүлдэг. Жишээ нь: Шөнө болгон унтахынхаа өмнө өөрт тохиолдсон 3 сайн зүйлийг бичиж тэмдэглэдэг байгаарай. Энэ нь хоолны амт, найзын чинь хэлсэн сайхан үг, эсвэл нар жаргах үеийн гоо үзэсгэлэн ч байж болно.

Талархлыг мэдрэх нь амьдралыг эерэг тал руу шилжүүлж, өөрийгөө болон амьдралаа илүү үнэлэхэд тусална.

6) ТЭД ӨӨРИЙН ТӨГС БУС БАЙДЛЫГ ХҮЛЭЭН ЗӨВШӨӨРДӨГ

Өнөөгийн нийгэмд төгс байх дарамт их байдаг ч, үнэн хэрэгтээ, төгс бус байдал нь хүн төрөлхтний салшгүй хэсэг юм.

Өөрийгөө төгс гэж хуурахын оронд өөрийн сул талуудаа хүлээн зөвшөөрч, үүнийгээ сайжрах боломж гэж хардаг,  байнга өсөн хөгжихийг зорьдог байгаарай. Ингэснээр өөрийгөө үнэхээр хайрлаж, үнэлдэг.

7) ТЭД ӨӨРИЙН ДАВУУ ТАЛ ДЭЭР АНХААРДАГ

Сул талдаа биш, харин давуу тал дээрээ төвлөрч чаддаг хүмүүс өөрийгөө эерэгээр хардаг. Авьяас чадвар, давуу талыг олж харснаар түүнийгээ хөгжүүлж өөрийн үнэ цэнийг мэдэрдэг.

8) ТЭД ӨӨРИЙГӨӨ ХАЙРЛАДАГ

Бүх зүйлийн суурь бол өөрийгөө хайрлах юм. Өөрийгөө хайрлах гэдэг нь:

• Өөртөө халамж тавих
• Эрүүл мэнд, аз жаргалаа эрхэмлэх
• Өөрийн үнэ цэнийг хүлээн зөвшөөрөх тухай асуудал юм.

Өөрийн үнэлэмж, өөртөө итгэх итгэлийг хөгжүүлэх нь амархан биш ч хамгийн үнэ цэнтэй аялал юм. Тэвчээр, дадал, тууштай байдлыг шаарддаг билээ.