Байгаль орчны сэтгүүлзүйн магистрын тэтгэлэгт хөтөлбөрийг зарлалаа

Конрад-Аденауэр Сан, Монгол Улсын Их Сургуулийн Шинжлэх ухааны Сэтгүүл зүй, олон нийтийн харилцааны тэнхим, Биологийн тэнхимтэй хамтарсан "Байгаль орчны сэтгүүлзүй"-н магистрын тэтгэлэгт хөтөлбөр шинээр нээгдэж, сонгон шалгаруулалтаа зарлалаа.

ХӨТӨЛБӨРИЙН ЗОРИЛГО:
Байгаль орчны тогтвортой хөгжлийн зорилгуудыг хангах, хариуцлагатай, мэргэжлийн сэтгүүлзүйг хөгжүүлэх

ХӨТӨЛБӨРИЙН АГУУЛГА
Судалгааны магистрын хөтөлбөр нь нийт 35 кредит. Үүнд, Танхимын хичээл /Судалгааны арга зүйн хичээл, Байгаль орчны сэтгүүл зүйн мэргэжлийн заавал судлах ба мэргэшүүлэн сонгох хичээл болон олон улсын сэтгүүл зүйн хичээл/, эрдэм шинжилгээний ажил, магистрын судалгааны ажил байна

ХӨТӨЛБӨРИЙН ҮРГЭЛЖЛЭХ ХУГАЦАА
1.5-2 жил

СОНГОН ШАЛГАРУУЛАЛТАД ТАВИГДАХ ШАЛГУУР ҮЗҮҮЛЭЛТҮҮД

• Сэтгүүл зүй, байгалийн шинжлэх ухааны бакалавр (Голч дүн 3.0 ба түүнээс дээш)
• Монгол хэлний ярианы ур чадвар, найруулга зүй, хэл зүй, зөв бичих дүрмийн мэдлэгтэй
• Нийгмийн идэвхитэй (улс төр, нийгэм, хүмүүнлэг сайн дурын ажил)
• Сэтгүүл зүйн салбарт мэргэжлийн түвшинд ажиллаж, байгаль орчны тогтвортой хөгжил, нийгмийн сайн сайхны төлөө бодитой хувь нэмэр оруулах хүсэлтэй
• Англи хэлний ахисан түвшний мэдлэгэй бол давуу тал болно
• КАС, МУИС-аас зохион байгуулах аливаа сургалт, хурал, үйл ажиллагааг дэмжин ажиллах, оролцох боломжтой байх

Эдгээр үзүүлэлтүүдийг хангаж байвал дараах материалуудыг монгол хэлдээр бүрдүүлэн 2025 оны 08 дугаар сарын 15-ны 23:59 цагаас өмнө өргөдлийн маягтыг онлайнаар бөглөх бүртгүүлэх

БҮРДҮҮЛЭХ МАТЕРИАЛ

• Бүрэн дунд боловсролын гэрчилгээ
• Бакалаврын диплом, хавсралтын хуулбар
• Тэтгэлэгт хөтөлбөрт хамрагдах үндэслэлийг тодорхойлсон эссэ (1 нүүрт багтаана)
• Их сургуулийн мэргэжлийн багшийн тодорхойлолт
• Хувь хүний нийгмийн оролцоог илтгэх тодорхойлолт (ажил олгогч, холбоо, сайн дурын байгууллагаас гэх мэт)

ӨРГӨДӨЛ ХҮЛЭЭН АВАХ СҮҮЛИЙН ХУГАЦАА
2025 оны 08 дугаар сарын 15-ны 23:59 цаг

Хөтөлбөртэй холбоотой асуултыг дараах хаягаар хүлээн авна
Zaya.sengee@kas.de

ЯРИЛЦЛАГА
Сонгон шалгаруулалтын хоёр дахь шатанд бүрэн гүйцэт материалаа бүрдүүлэн ирүүлсэн өргөдөл гаргагчдаас шалгарсан нэр дэвшигчдийг 2025 оны 08 дугаар сард Конрад-Аденауэр Сангийн Суурийн төлөөлөгчийн газраас ярилцлагад урина.