Тэжээвэр амьтад хайраа яаж илэрхийлдэг вэ

Тэжээвэр амьтдын хайр сэтгэл үйлдлээр илэрдэг. Зарим нь дуртай тоглоомоо авч ирдэг бол, зарим нь зөөлөн хазаж, итгэлээ илэрхийлдэг. Зарим нь бүр хажууд тань унтдаг ч байх. Энэ нийтлэлд бид амьтад бидэнд хайраа харуулдаг 11 аргыг танилцуулж байна.

1. Таны эргэн тойронд "бүжиглэх"

Нохой бол сэтгэл хөдлөлөө нууж чаддаггүй амьтан. Хэрвээ таны нохой бүх биеэрээ хөдөлж, сүүлээ шарвалзуулан ойртдог бол — энэ бол баяр хөөр, таашаал, хайрын тодорхой шинж.

Таныг хараад “бүжиглэж” байвал тоглохыг хүсэж байна гэсэн үг. Боломжтой бол хамт тоглоорой!

2. Зөөлөн хазах, долоох

Муур тань эхлээд зөөлөн долоож байснаа дараа нь зөөлөн хаздаг уу? Энэ бол таныг тайван, аюулгүй байгаа үед баярласнаа илэрхийлж буй нэг хэлбэр юм.

• Ийм "хайрын хазалт" нь муурын нийгмийн холбоог илэрхийлдэг
• Таныг "гэр бүл" гэж үзэж байгаагийн илрэл
• Хэт өвтгөөгүй бол — таныг ан биш, хамтрагч гэж хүлээн зөвшөөрсөн хэрэг.

3. Таны эд зүйлс дээр суух

Таны хувцас, ор хөнжлийн даавуу, нотебүүк дээр муур тань суух дуртай юу? Энэ бол:

• Таны үнэрийг мэдэрч, тайвширч буй дохио
• Таныг эзэмшлээ гэж тамга дарах, өөрийн нутаг дэвсгэр болгож буй хэрэг
• Энэ бол итгэл ба хайрын шинж

4. Тоглоомоо танд авч ирэх

Нохой дуртай тоглоомоо амандаа зуугаад авчирч өгдөг бол:

• Тантай хамт тоглохыг хүсэж буй дохио
• Зарим тохиолдолд — “бэлэг” мэт танд өгөхийг оролдож буй хэлбэр
• Энэ бол сэтгэл хөдлөлийн холбоо маш хүчтэй байгаагийн нотолгоо

5. Таныг духаараа мөргөх, нүүрээрээ үрэх

Муур нүүрээрээ үрэх, духаараа мөргөх үед тэд таныг “өөрийн эзэмшил” гэж тэмдэглэж байна

• Энэ бол итгэл, хайр, аюулгүй байдлын илэрхийлэл
• Зарим үүлдрийн муур (Ragdoll, Maine Coon гэх мэт) энэ үйлдлийг илүүтэй гаргадаг

6. Таны эд зүйлсийг хулгайлах

Нохой тань оймс, подволк зэргийг хулгайлж байвал:

• Таны үнэртэй зүйлийг өөртөө ойр байлгахыг хүсэж байна
• Таныг санаж байгаа, эсвэл таныг ойр мэдрэхийг хүсэж буй илрэл
• Заримдаа уйдаж, сонирхолтой зүйл хайж буй үед ч ийм үйлдэл гаргаж болно

7. Таныг ширтэж, удаан анивчих

Муур тань таныг удаан ширтээд, удаан анивчвал:

• Энэ бол хайрын “нүдний үнсэлт”
• Тэд таныг аюулгүй, найдвартай гэж үзэж буй дохио
• Та ч мөн удаан анивчиж, “нүдний үнсэлт”-ийг хариу өгөөрэй

8. Хөмсгөө өргөж харна

Нохой таныг хараад хөмсгөө (ялангуяа зүүн талын) өргөдөг бол:

• Судалгаагаар энэ нь гүн сэтгэл хөдлөл, хайрыг илэрхийлдэг
• Таныг харах үед сэтгэл ханамж авдаг
• Тиймээс энэ дохио бол “би чамайг хайртай” гэж нохойн хэлээр хэлж буй хэрэг

9. Дуут чимээ: чирчигнэх, дуугарах

Муурнууд заримдаа жирийн мяулахаас өөр шувуу мэт чирчигнэсэн дуу гаргадаг уу?

• Эдгээр нь итгэл ба баяр хөөрийг илтгэнэ
• Ээж муур хүүхдүүдтэйгээ ингэж “ярилцдаг”
• Хэрвээ насанд хүрсэн муур танд ингэж байвал — таныг гэр бүлийн гишүүн гэж үзэж байна

10. Тан руу бөгсөө харуулах

Танил байна уу? Муур тань хайр хүргэсэн үед нуруугаа бөхийлгөж, бөгсөө харуулдаг бол:

• Энэ бол муурын итгэлцлийн дохио
• Нэг муур нөгөөдөө “би чамд итгэж байна” гэж харуулах үед ингэдэг
• Тиймээс таныг группдээ авсан гэж ойлгож болно

11. Та эвшээхэд тэд ч эвшээнэ

Нохой тань таныг эвшээхэд дагаж эвшээдэг үү?

• Судалгаагаар энэ бол хүмүүс шиг сэтгэл хөдлөл халдварлах үзэгдэл
• Зөвхөн гүн холбоо, хайрын үед л нохой ингэж хариу үйлдэл үзүүлдэг