YG Entertainment-ийн үүсгэн байгуулагч Ян Хён Сок BLACKPINK, BABYMONSTER, TREASURE хамтлагуудын эргэн ирэлтийн тухай, мөн шинэ уран бүтээлчдийн нээлтийн талаар зарласан видео мэдэгдэл гаргалаа.
Дэлхийн аялан тоглолтдоо бэлтгэж буй BLACKPINK хамтлаг тун удахгүй шинэ дуу гаргана: “Гарах огноо одоогоор тодорхойгүй байгаа ч тун удахгүй зарлана гэж бодож байна” хэмээв.
BABYMONSTER хамтлаг долоодугаар сарын 1-нд “HOT SAUCE” нэртэй шинэ дуугаа гаргах бөгөөд есдүгээр сард хоёр дахь урьдчилсан синглээ, аравдугаар сарын 1-нд шинэ мини цомгоо гаргахаар төлөвлөжээ.
Мөн TREASURE хамтлаг шинэ мини цомог дээрээ ажиллаж байгаа бөгөөд гаргах хугацаа нь урьдчилсан байдлаар есдүгээр сарын 1 гэж тогтоосныг дуулгав. Тэд аравдугаар сард дэлхийн шинэ аялан тоглолтоо эхлүүлэхээр төлөвлөж байна.
YG Entertainment-д хоёр хөвгүүдийн болон хоёр охидын дадлагын хамтлаг байгаа бөгөөд тэдгээрээс шинэ уран бүтээлчдийг тун удахгүй нээхээр төлөвлөж байгааг мэдэгдэв.
Тавдугаар сарын 28-наас эхлэн энэхүү шинэ охидын хамтлагийн дөрвөн гишүүнийг BABYMONSTER-ийн гишүүдийг олон нийтэд танилцуулж байсантай адил байдлаар нэг нэгээр нь ил болгох болно. (Эхний гишүүнийг тавдугаар сарын 28-ны шөнө зарлана.)
Та энэ хүслийг өөр дээрээ нэмсэн байна!
Та энэ хүслийг биелүүлсэн байна!
Та хүслээ амжилттай биелүүллээ!
116
3399
2020-05-30