Өсвөрийн каратэчид Олон улсын тэмцээнээс 20 медаль өвөртөлж эх орондоо ирнэ

Монгол Улсын каратэгийн залуу тамирчид Филиппин улсын Давао хотод наймдугаар сарын 29,30-ны өдрүүдэд болсон Олон улсын тэмцээнээс нийт 20 медаль хүртжээ. 

Ази тивийн орнуудаас 400 гаруй тамирчин оролцсон уг тэмцээнд манай улсаас 10 тамирчин оролцож 9 алт, 8 мөнгө, 3 хүрэл медальтай эх орондоо ирэх юм. Тус тэмцээнд хамгийн өндөр амжилт үзүүлсэн улс болж, багийн дүнгээр нэгдүгээрт жагсжээ. 

Монголын багийн дасгалжуулагчаар Жиованни Вирарди болон Э.Гэрэлтунгалаг нар ажиллалаа.

"JKA Mongolia"-ийн эдгээр тамирчид ката болон кумитэ гэсэн хоёр төрөлд жигд сайн оролцож, техникийн болон тулааны төрөлд өндөр түвшинд бэлтгэгдсэн ажээ. Тамирчдын хувийн амжилтыг харууллаа. Үүнд: 

Анхлан шатны тэмцээн

• Э.Тод- кумитэ алт, ката мөнгө
• С.Цэцэнбилэг- Ката алт, Кумитэ алт
• Т. Мөнгөнзагас- Ката алт, Кумитэ хүрэл

Дунд шатны тэмцээн

• У.Билгүүн- Ката алт, Кумитэ мөнгө
• Ө.Баттүшиг- Ката мөнгө, Кумитэ хүрэл 
• Э.Тэнгис- Ката мөнгө, Кумитэ мөнгө

Дунд ахисан шатны тэмцээн

• М.Сүндэръяа- Ката алт, Кумитэ мөнгө
• М.Ананд- Ката алт, Кумитэ мөнгө

Ахисан шатны тэмцээн 

• Г.Ганболд- Ката алт, Кумитэ алт
• У. Номун- Кумитэ мөнгө, Ката хүрэл

Энэхүү амжилт нь Монгол Улсад каратэгийн хөгжил эрчимжиж, олон улсын тавцанд амжилттай өрсөлдөх чадвартай шинэ үеийн залуу тамирчид өдрөөс өдөрт өссөөр байгааг харуулж буй. 

Эх сурвалж: JKA Mongolia