Япон Улсын Засгийн газрын тэтгэлэгт хөтөлбөрийг зарлалаа

2026 оны Япон Улсын Засгийн газрын “Япон хэл, Япон соёл судлаач оюутан” болон “ЕБС, СӨББ-ын багшийн мэргэжил дээшлүүлэгч оюутан”-ы хөтөлбөр зарлагдлаа.

Дараах линкээс тус хөтөлбөрийн удирдамж, бүрдүүлэх бичиг баримтын маягтыг татаж авах боломжтой. Удирдамж хэсгийг сайтар уншиж танилцан бүртгүүлнэ үү.

ЯПОН ХЭЛ, ЯПОН СОЁЛ СУДЛААЧ ОЮУТАН

ЕБС-ИЙН БАГШИЙН МЭРГЭЖИЛ ДЭЭШЛҮҮЛЭГЧ ОЮУТАН

1-Р ШАТНЫ СОНГОН ШАЛГАРУУЛАЛТ

1．Бичиг баримтын сонгон шалгаруулалт
    Хугацаа: 2026.02.09 (Даваа) - 2026.02.11 (Лхагва)
                *Бичиг баримтын сонгон шалгаруулалтад тэнцсэн хүмүүст 2-р сарын 11-ний өдөрт багтаан ЭСЯ-наас мэйлээр шалгалт өгөх эрхийн хуудас, бичгийн шалгалттай холбоотой мэдээллийг илгээнэ.
2．Бичгийн шалгалт
   Япон хэл, Япон соёл судлаач оюутан - Япон хэл (100 минут)
            ЕБС-ийн багшийн мэргэжил дээшлүүлэгч оюутан - Англи хэл (60 минут) болон Япон хэл (100 минут)
   Хэзээ: 2026.02.14 (Бямба)
   Хаана: Монгол-Японы хүний нөөцийн хөгжлийн төв /байршил/
   ⋆Шалгалт эхлэх цаг зэрэг дэлгэрэнгүй мэдээллийг зөвхөн бичиг баримтын сонгон шалгаруулалтад тэнцэгсдэд мэйлээр илгээнэ.
3．Ярилцлагын шалгалт
   Хугацаа: 2-р сарын дунд - 3-р сарын эхэн үе /төлөв/
                *Ярилцлагын шалгалттай холбоотой мэдээллийг зөвхөн бичгийн шалгалтад тэнцэгсдэд мэйлээр илгээнэ.

2-Р ШАТНЫ СОНГОН ШАЛГАРУУЛАЛТ

Тус шалгаруулалтыг 6-р сарын дунд үеэр Японы БШУЯ дангаар явуулна.
Тэнцсэн эсэх эцсийн хариу болон оноогдсон их сургуулийн шийдвэрийг 7-р сараас 8-р сарын дунд үед ЭСЯ-наас мэдэгдэнэ. 

БҮРДҮҮЛЭХ БИЧИГ БАРИМТ

ЯПОН ХЭЛ, ЯПОН СОЁЛ СУДЛААЧ ОЮУТАН

• Хөтөлбөрийн удирдамж хэсгийн 7.-д заасан бичиг баримтууд (Үүнээс 7.7-д заасан “Эрүүл мэндийн шинжилгээний бичиг”-ийг зөвхөн ярилцлагын шалгалтад тэнцсэн тохиолдолд ирүүлнэ.)
• Иргэний үнэмлэхийн хуулбар 1 хувь
• Цээж зураг 2 хувь (3.5см х 4.5см, сүүлийн 6 сарын дотор авахуулсан байх, зургийн ард хэсэгт овог, нэрээ бичих)

ЕБС-ИЙН БАГШИЙН МЭРГЭЖИЛ ДЭЭШЛҮҮЛЭГЧ ОЮУТАН

• Хөтөлбөрийн удирдамж хэсгийн 7-д заасан бичиг баримтууд (Үүнээс 7.7-д заасан “Эрүүл мэндийн шинжилгээний бичиг”-ийг зөвхөн ярилцлагын шалгалтад тэнцсэн тохиолдолд ирүүлнэ.)
• Нийгмийн даатгалын шимтгэл төлсөн баримтын хуулбар 1 хувь
• Иргэний үнэмлэхийн хуулбар 1 хувь
• Цээж зураг 2 хувь (3.5см х 4.5см, сүүлийн 6 сарын дотор авахуулсан байх, зургийн ард хэсэгт овог, нэрээ бичих)

БИЧИГ БАРИМТ ИРҮҮЛЭХ ЗААВАР

1. Дээрх 4.-т заасан бичиг баримтаа нэгтгэн дугтуйлна.
2. Дугтуйг доорхийн дагуу хаяглан битүүмжилнэ.

БҮРТГЭЛ

Бүрдүүлсэн бичиг баримтыг хүлээн авах хугацаа: 2026.02.02 (Даваа) 09:00 - 2026.02.06 (Баасан) 17:45
Хүлээн авах хаяг: Японы ЭСЯ-ны харуулын төв байр