Бурхан урлаач Д.Ухаанзаяа үзэсгэлэнгээ нээлээ

Г.Занабазарын нэрэмжит Дүрслэх урлагийн музей нь Монгол Улсын Урлагийн Гавьяат Зүтгэлтэн, Бурхан урлаач Д.Ухаанзаяагийн Үндэсний уламжлалт урлаг Торгон зураг /Зээгт наамал/, Бурхан зураг, Монгол зургийг дэлгэрүүлэх, сэргээн хөгжүүлэх их үйлсэд зориулан гаргаж буй “Шүтээн торгон зураг” бие даасан үзэсгэлэнг толилуулж байна. 

• 2025 оны 10 сарын 15-21-ний өдрүүдэд, торгон зургаар урласан бүрэн хэмжээний бурхад болон танка зураг, Монгол зургийн бүтээлүүд тавигдах бөгөөд
• 18-20-ны өдрүүдэд 13:00 цагаас “Лусын ээл ба хорлол”, “Ад донгийн хорлолыг буцаахуй”, “Үхэл зуурдаас гэтэлж, сайн заяанд төрөхүй” зэрэг тайлбар лекц, соён гэгээрүүлэх номын арга хэмжээ үнэ төлбөргүй явагдана.

“Шүтээн торгон зураг” үзэсгэлэнд дэлгэгдэж буй дахин давтагдашгүй онцлог бүтээлүүдээр дамжуулан торгон зураг, Монгол зургийн гайхамшгийг олон нийтэд таниулах, тэдгээрийн уламжлалт арга ухааныг хойч үедээ түгээн дэлгэрүүлэх, соёлын өв, урлахуй ухааны нарийн өв соёлыг гэгээн мэлмийдээ тольдох болно.

МУУГЗ, Бурхан урлаач Д.Ухаанзаяагийн оюуны бүтээл, хүний сэтгэл зүрх, дотоод ертөнцийн тусгал, ур урлалын төгс илэрхийлэл болсон Хажид, Дэмчог, Цагаан, Ногоон Дарь эх, Янжинлхам тэргүүтэй дагинасууд, эд баялаг, эрхэт хүчний эзэн Очирваань, Гонгар, Замбала бурхад, эвтэй дөрвөн амьтан, үл зохилдохуйн зүгийг ялахын тэмдэгт амьтад, элдэв үлгэр, домгийн рид хувилгаан амьтдыг туурвисан бүтээлүүдийг дэлгэн үзүүлнэ.

Г.Занабазарын нэрэмжит Дүрслэх урлагийн музей, Барилгачдын талбай.

Хугацаа: 2025.10.15- 2025.10.21 дуустал

Даваа-Баасан гарагт: 09:30-16:30 цаг

Бямба, Ням гарагуудад: 10:30-16:30 цаг