Лаос Улсад бакалавр, магистрт суралцуулах сонгон шалгаруулалт зарлалаа

Бүгд Найрамдах Ардчилсан Лаос Ард Улсад 2025-2026 оны хичээлийн жилд бакалавр, магистрын түвшинд суралцуулах Засгийн газрын тэтгэлэгт хөтөлбөрт бүртгэл эхэллээ. Энэ удаа бакалаврын хөтөлбөрт 8, магистрын хөтөлбөрт 1 иргэнийг сонгон шалгаруулна.

Тавигдах шаардлага:

• Ерөнхий боловсролын сургуулийн бүрэн дунд боловсролын гэрчилгээ хэрэв12 дугаар ангийн суралцагч бол (2024-2025 оны хичээлийн жилд суралцаж буй хугацааны дүнгийн тодорхойлолт 85+)
• Монгол Улсын магадлан итгэмжлэгдсэн их, дээд сургууль, коллежийн 1, 2 дугаар ангид суралцагч Монгол Улсын иргэн (голч дүн 3.0 ба түүнээс дээш голч дүнтэй)
• Магистрын хөтөлбөрт суралцах хүсэлт гаргагч нь бакалаврын зэрэгтэй Монгол Улсын иргэн (голч дүн 3.0 ба түүнээс дээш, 2-оос доошгүй жил ажилласан ажлын туршлагатай)

Жич: Өөр улсын Засгийн газрын тэтгэлэгт хамрагдаагүй байх

Суралцах мэргэжлийн чиглэл:

• Монгол Улсын Засгийн газрын 2023 оны 03 дугаар сарын 29-ний өдрийн 115 дугаар тогтоолын хатсралтаар батлагдсан “Дээд боловсролын эрэлттэй мэргэжлийн чиглэл”-ийн хөтөлбөрүүдээр суралцуулна.

Бүртгэл 2025 оны 5 дугаар сарын 30-наас 6 дугаар сарын 30-ны 17:00 цаг хүртэл цахимаар явагдана. 

Сонирхож буй иргэд scholarship.esis.edu.mn/grant/ цахим хаягаар хандан, хэрэглэгчийн эрх үүсгэж, шаардлагатай материалыг PDF хэлбэрээр хавсарган, өргөдлөө илгээх шаардлагатай.

ДЭЛГЭРЭНГҮЙГ: https://moe.gov.mn/post/166539