Гадаадын их дээд сургуулийн танилцуулга #23 Georgetown university

Вашингтон ДС-ийн зүрхэнд оршдог Жоржтаун их сургууль нь 1789 онд байгуулагдсан Америкийн топ их сургуулиудын нэг юм. 2022-2023 оны хичээлийн жилд тус сургууль нь шилдэг их сургуулиудын жагсаалтын 22-р байрыг бахархалтайгаар эзэмшиж байна.

Жоржтауны их сургууль нь одоогоор 7,852 бакалаврын оюутантай. Тус сургууль нь хатуу стандартыг баримталдаг бөгөөд жил бүр өргөдөл гаргагчдын зөвхөн 12 хувь нь тэнцдэг.

Тус кампуст 400 гаруй оюутны  байгууллага, клуб  ажилладаг нь сонирхсон чиглэлээр ажиллах, туршлага хуримтлуулах боломжийг олгодог. Жоржтауны оюутны туршлагын нэг онцлог нь хамтач мэдрэмжийг төлөвшүүлэхэд оршино. Хэдийгээр оюутны хотхонд оршин суух талаар хатуу шаардлага тавьдаггүй ч олон оюутнууд дотуур байранд амьдардаг. Жоржтауны нэр хүндтэй төгсөгчдийн тоонд Ерөнхийлөгч асан Билл Клинтон, Академийн шагналт жүжигчин Брэдли Купер, Дээд шүүхийн шүүгч Антонин Скалиа нар багтдаг. 

Жоржтауны их сургууль нь оюутнуудад 110 өөр мэргэжлээр суралцах боломж, эрдэм шинжилгээний ажлуудыг санал болгодог. Олон улсын харилцаа, бизнес, улс төрийн шинжлэх ухаан, биологи, гадаад үйлчилгээ зэрэг хамгийн эрэлттэй салбарууд орно.

Тус сургуулийн чансаа:

• Олон улсын харилцааны №1
• Бизнесийн 4-р байр
• Улс төрийн шинжлэх ухааны №7
• Биологийн №9
• Гадаад харилцааны №10

Жоржтауны  Макдоногийн Бизнесийн сургууль, Гадаад харилцааны сургууль нь орчин үеийн тоног төхөөрөмжтэй бөгөөд оюутнуудад судалгаа, эрдэм шинжилгээний хайгуул хийх хосгүй нөөцөөр хангадаг.

Жоржтауны нэг онцлог нь боловсролыг цогцоор нь хүргэхийг эрмэлздэг аж.
Тус их сургууль нь 11:1-ийн оюутан, багш нарын харьцаатай. Ангиудын 60 гаруй хувь нь 20-иос цөөн сурагчтай бөгөөд энэ нь багш нар сурагчидтайгаа тулж харьцахад нь эергээр нөлөөлдөг байна.

Корнеллийн оюутнуудын 93% нь эрдмийн зэргээ амжилттай дүүргэдэг. Төгсөгчид нь ажлын байрны өрсөлдөөнт зах зээлд сайн бэлтгэгдсэн байдаг бөгөөд дундаж цалин 85,000 доллароос эхэлдэг.

Сургалтын төлбөр 57,384 ам.доллар. Харин  байр болон бусад хэрэгцээт нэмэлт зардал 16,200 ам.доллар  орчим болдог аж. Жоржтауны их сургууль нь хүртээмжтэй байхыг эрмэлзэж, санхүүгийн найдвартай тусламж, тэр дундаа зохих оюутнуудад сургалтын төлбөрийн 100% хүртэл тэтгэлэг олгодог.

Эх сурвалж: US.news