Мөрөөдлийн их сургуульдаа орох чин хүсэлтэй нэгэн оюутан замдаа баривчлагдаж, халууныг үл хайхран Баруун Африкт 4000 км замыг дугуйгаар туулжээ.
Мамаду Сафаю Барри оюутан болохоор Гвинейгээс Египетийн нэр хүндтэй Аль-Азхар их сургуулийг тавдугаар сард зорьсон юм. 25 настай тэрээр дөрвөн сарын турш зургаан улсаар дугуйгаар аялсан байна. Тэрээр Каирт хүрээд тэтгэлэг авсандаа маш их баяртай байгаагаа ВВС-д ярьжээ.
Аль-Азхар дахь Ислам судлалын хөтөлбөрт суралцахаар Египет рүү нисэх боломжгүй ч Мали, Буркина Фасо, Того, Бенин, Нигер болон бусад улсуудаар аялах боломжтой байв.
Аль-Азхар бол дэлхийн лалын суннит шашны сургалтын хамгийн нөлөө бүхий төв бөгөөд МЭ 670 онд байгуулагдсан хамгийн эртний газруудын нэг юм. Гэхдээ Барри Исламын шашны мэдлэгийг эрэлхийлэхээр явсан боловч дугуйгаар аялсан зарим улсад багагүй бэрхшээлтэй таарч байв.
Мали, Буркина-Фасо, Нигерт лалын дайчид энгийн иргэд рүү халдлага үйлдэх явдал байнга гарч, төрийн эргэлтүүд улс төрийн тогтворгүй байдалд хүргэсэн. Тэрээр Буркина Фасод болон Тогод ямар ч шалтгаангүйгээр гурван удаа баривчлагдсан гэжээ.
Эх сурвалж: BBC
Та энэ хүслийг өөр дээрээ нэмсэн байна!
Та энэ хүслийг биелүүлсэн байна!
Та хүслээ амжилттай биелүүллээ!
84
5027
2017-06-29