Японы тухай өөрийн дурсамжаасаа хуваалцана уу


YOLO.mn | YOLO.MN
2021-12-10

Японы Элчин Сайдын Яамнаас Монгол Японы хооронд дипломат харилцаа тогтоосны 50 жилийн ойг тохиолдуулан “Монгол, Япон, Би, 50 дурсамж” сэдвээр мини-эссэ бичлэгийн уралдаан зарлаж байна.

Ирэх онд Монгол Улс, Япон Улсын хооронд дипломат харилцаа тогтоосны 50 жилийн ойг тэмдэглэнэ. Одоогоор хоёр улсын хооронд чөлөөтэй зорчих боломжгүй хүнд нөхцөл байдал үргэлжилсээр байгаа ч өнөө үед интернетээр санал бодлоо хуваалцах боломж нээлттэй билээ. Ирэх онд тохиох энэхүү онцгой үйл явдлыг бүгдээрээ хөгжилтэйгөөр тэмдэглэн өнгөрүүлэх зорилгоор хаанаас ч оролцож болох цахим эвентийг бид зохион байгуулах гэж байна.
 
Япончуудтай харилцах, Япон орноор аялах үед төрсөн Японтой холбоо бүхий сэтгэл хөдөлгөм дурсамжуудыг бид энэхүү цахим эвентэд оролцуулах тул та өөрийн сайхан дурсамжаасаа бидэнтэй хуваалцана уу.

Та бүхний ирүүлсэн мини-эссэнүүдээс бид шилдэг 50-ийг Facebook болон Twitter хуудсаар дамжуулан нийтэд танилцуулахаар төлөвлөөд байна. Нэг пост бүрт нэг мини-эссэ тавигдах тул уншигч таны сэтгэлд хүрсэн бол "лайк" дараарай. Хамгийн олон лайк авсан мини-эссений эзэнд тус Элчин Сайдын Яамнаас бяцхан шагнал гардуулах болно.

Оролцогчид доорх нөхцөлийг анхааралтай уншина уу.

  • Хэн оролцох: Монгол Улс эсвэл Япон Улсын иргэн
  • Хугацаа: ~2022 оны 11 дүгээр сарын сүүлийн өдөр хүртэл
  • Агуулга: Японтой холбоотой сэтгэл хөдөлгөм дурсамж
  • Хэмжээ: 50-300 үг (монгол хэл) / 100~500 үсэг (япон хэл)

Холбогдох мэдээллийг “Эссэ илгээх маягт”-д бөглөх, эсвэл е-мэйлээр бичиж Японы ЭСЯ-ны Соёл, мэдээллийн хэлтэс (public.diplomacy-section@ul.mofa.go.jp)-т илгээнэ үү.

  • Таны хувийн мэдээлэл: овог, нэр (зохиогчийн нууц нэр байж болно), иргэний харьяалал, нас, хүйс, эрхэлсэн ажил
  • Мини-эссэ

Ирүүлсэн хувийн мэдээллийг доор дурдсанаас өөр зорилгоор ашиглахгүй:

  • Эссэ бичсэн хүнээс тодруулга авах, мэдээлэл хүргэх 
  • Ялагчид шагнал илгээх

Бид эвентийн явцад ирүүлсэн хувийн мэдээллийг гуравдагч этгээдэд дамжуулахгүй хадгалах бөгөөд эвент дууссаны дараа зохих ёсоор бүрэн устгах болно.

Бусад мэдээллийг https://www.mn.emb-japan.go.jp/itpr_ja/50jiliinoi_miniessay.html хуудаснаас авна уу.

#Боловсрол #Эсээ #Япон