Энэ намар дэлхий нийтийг шуугиулж чадсан “Squid Game” цуврал нь Өмнөд Солонгосын кино урлагийн хөгжлийг шинэ шатанд аваачсан билээ. Нийт 21.4 сая ам.доллараар бүтсэн ч 891.1 сая ам.долларын ашиг орлого олсон энэхүү бүтээлийн араас “My Name” нэртэй цуврал хүч түрэн гарч ирж байна.
Тодруулбал, энэ сарын 21-ний байдлаар уг бүтээл нь Netflix-ийн дэлхийн шилдэг цувралын жагсаалтын гуравдугаарт, Өмнөд Солонгосын жагсаалтын нэгдүгээрт, Индонез, Малайз, Филиппин, Сингапур, Тайланд, Вьетнам зэрэг улсад хоёрдугаарт бичигдэж байгаа юм.
КИНОНЫ ЕРӨНХИЙ ҮЙЛ ЯВДАЛ
Энэ сарын 15-ны өдөр үзэгчдийн хүртээл болсон “My Name” нь гэмт хэрэг, триллер төрлийн цуврал бөгөөд эцгийнхээ шударга бус үхлийг өөрийн нүдээр гэрчилсэн Yoon Ji Woo-гийн өшөө авалтын тухай сэтгэл хөдөлгөм түүхийг өгүүлэх аж.
ЗОХИОЛЧ, НАЙРУУЛАГЧ
Найман ангит энэхүү бүтээлийн найруулагчаар “Extracurricular” (2020) цувралын Kim Jin Min, зохиолчоор “The Huntresses” (2014) киноны Kim Ba Da нар ажиллажээ.
ГОЛ ДҮРИЙН ЖҮЖИГЧИД
Yoon Ji Woo-гийн дүрд жүжигчин Han So Hee
Choi Mu Jin-ий дүрд жүжигчин Park Hee Soon
Jeon Pil Do-гийн дүрд жүжигчин Ahn Bo Hyun
ЯАГААД ҮЗЭХ ЁСТОЙ ВЭ?
Чадварлаг жүжигчдийн бүрэлдэхүүнээс гадна киноны найруулга, үйл явдал, тэр дундаа тулааны хэсгүүдэд үзэгчид өндөр үнэлгээ өгөөд байгаа юм. Ялангуяа жүжигчин Han So Hee-гийн жүжиглэлт, зодооны ур чадвар нь түүний өмнө нь бүтээж байсан дүрүүдийн өнгө төрхийг 100 хувь эвдэж чадсан гэж хэлж болно.
Сонирхуулахад тэрээр уг дүрээ бүтээхийн тулд 10 килограмм жин нэмж, боксын спортоор хичээллэсэн байна. Хэрэв чи түүний гайхалтай хувирал, сэтгэл хөдөлгөм үйл явдлуудыг үзэхийг хүсвэл яг одоо цувралаа эхлүүлээрэй.
Эх сурвалж: Allkpop, FlixPatrol, Wikipedia
Та энэ хүслийг өөр дээрээ нэмсэн байна!
Та энэ хүслийг биелүүлсэн байна!
Та хүслээ амжилттай биелүүллээ!
212
2989
2021-06-28