Канадаас гаралтай Лисианне гэх эмэгтэй зуны нэгэн өдөр гэрийнхээ хашаан дахь цэцэрлэгт байхдаа хар өнгөтэй, хөвсгөр үстэй муурыг олж харжээ. Тэр муур маш их өлсөж эцсэн царайтай харагдсан байна. Ингээд Лисианне мууранд аягатай хоол, ус авчирч өгчээ.
Бүсгүй муурыг Усаги гэж нэрлэжээ. Тэрээр өдөр бүр мууранд хоол бэлддэг болсон ба Усаги ч хоол идэхээр тогтмол ирдэг болсон байна. Лисианне нэг өдөр Усаги муурны гэдэс томорч байгааг анзаарчээ.
Лисианне муурыг бүр их халамжлах болж Усаги ч түүнд итгэж нөхөрлөх болжээ. Ингээд муур гудамжинд амаржсан ч бүсгүйн гэрт ирж хоол идсээр л байсан аж.
Ингээд хэдэн долоо хоног өнгөрсний дараа Усаги зулзагануудаа бүсгүйд танилцуулахаар шийджээ. Улмаар өдөр бүр нэг зулзагаа дагуулж очсоор сүүлдээ зургаан зулзагаа бүгдийг нь дагуулаад ирсэн аж. Усагигийн зулзаганууд бүгд ээжтэйгээ усны дусал шиг ижилхэн байжээ.
Лисианне муурыг зургаан зулзагатай нь хамт гэртээ оруулж “Чатонс Орфелинс Монтреал”-ын амьтны асрах бүлэгт дуудлага өгсөн байна.
Лисианне эх муурыг авч үлдэхээр шийдсэн ба түүний найз нь нэг зулзагыг нь тэжээхээр болжээ. Үлдсэн зулзагануудыг асрах газрынхан халамжиндаа авсан байна.
Эх сурвалж: Dodo, Unilad
Та энэ хүслийг өөр дээрээ нэмсэн байна!
Та энэ хүслийг биелүүлсэн байна!
Та хүслээ амжилттай биелүүллээ!
932
15672
2021-09-01