Кпопын эргэн тойронд: Blackpink хамтлаг шинэ уран бүтээл гаргана


Юука | YOLO.MN
2019-11-29

BLACKPINK ХАМТЛАГ 2020 ОНД ШИНЭ УРАН БҮТЭЭЛ ГАРГАНА

Арваннэгдүгээр сарын 29-нд "News1" сайтаас Blackpink хамтлагийг 2020 онд шинэ уран бүтээл гаргана хэмээн мэдээлжээ. Улмаар "YG" энтертайнментаас “Blackpink хамтлаг 2020 оны эхээр дуу гаргана. Гэхдээ сар, өдөр нь хараахан тодорхой болоогүй байгаа” гэх тайлбар хийжээ.

2019 ОНЫ "GAYO DAEJEJEON" НААДМЫГ ЮНА, ЧА ИНҮ НАР ХӨТӨЛНӨ

MBC телевизээс жил бүрийн арванхоёрдугаар сарын 31-нд зохион байгуулдаг ‘Gayo Daejejeon’ наадмын энэ жилийн дугаарыг Юна, Чан Инү нар хөтлөхөөр болжээ. Дуучин Юнагийн хувьд 2015 оноос хойш уг наадмыг хөтөлж байгаа бол Ча Инү 2017 оноос хойш хөтөлж байна. 

IZ*ONE БОЛОН X1 ХАМТЛАГИЙГ “MAMA-2019”-Д ОРОЛЦУУЛАХГҮЙ

Жил бүр уламжлал болгон зохион байгуулагддаг “MNET" буюу Азийн хөгжмийн шагнал гардуулах ёслолын энэ жилийн дугаарт IZ*ONE болон X1 хамтлагууд оролцохгүй гэдгийг тус наадмын зохион байгуулах багийнхан мэдэгджээ. Уг хоёр хамтлаг нь MNET-ийн ‘Produce 48’ болон ‘Produce 101’ шоунаас төрөн гарсан ба тэдэнд өгсөн үзэгчдийн саналын тоо "маапаантай" байсан гэдэг нь тодорхой болсон. 

Улмаар уг нэвтрүүлгийн продюсер А Жүн Ён саналын тоог өөрчилсөн гэдгээ хүлээн зөвшөөрч одоогоор эдгээр хамтлагууд түр зогсонги байдалд ороод байна.  

Эх сурвалж: Allkpop

#Kpop #Blackpink #Yoona