Та үүнийг мэдэх үү?: Өнгө


Сэтгүүлч Д. Удвал | YOLO.MN
2019-11-06

Хүний нүд ойролцоогоор 7 сая гаруй өнгийг ялгах чадвартай байдаг. Тиймээс бид энэхүү чадвараа өөрсдийн амьдралаа илүү амар болгохын тулд өдөр тутмын хэрэглээндээ ашигладаг билээ. Та онгоц яагаад цагаан өнгөтэй, такси яагаад шар өнгөтэй, гэрлэн дохио яагаад улаан, шар, ногоон гэсэн 3 өнгөөс бүрддэгийг мэдэх үү? Эдгээр зүйлсийг бүтээхдээ санамсаргүй байдлаар эдгээр өнгийг сонгоогүй гэнэ. 

1. ГАЛ УНТРААГЧ 

Гал унтраагч нь минутад хэдэн галлон ус шахах боломжтойгоосоо хамаарч улаан, улбар шар, ногоон, цэнхэр гэсэн 4 өөр өнгөтэй байдаг. Өөрөөр хэлбэл галын хэмжээнээс хамаарч өнгө нь өөрчлөгддөг гэсэн үг. Цэнхэр өнгөтэй бол минутад 1500 болон түүнээс их, ногоон бол 1000-1499, улбар шар бол 500-900, хамгийн түгээмэл буюу улаан бол 499 хүртэлх галлон ус шахах боломжтой байдаг байна. 

2. ОНГОЦ

Зорчигч тээврийн онгоц яагаад цагаан өнгөтэй байдаг бол? Энэ их энгийн. cheeky
Цагаан өнгө гэрэл ойлгодог тул нарнаас үүдэлтэй ямар нэгэн аюул ослоос болон хэт халахаас сэргийлэх үүднээс онгоцыг цагаан өнгийн гадаргуутайгаар үйлдвэрлэдэг гэж хэлж болно. Мөн олон цагаар ниссэн онгоц газардсаныхаа дараа цагаан өнгийнхөө "ачаар" харьцангуй хурдан хөрдөг байна.

3. МАШИНЫ ДУГУЙ

Машины дугуйг үйлдвэрлэхэд ашигладаг резин нь үнэн хэрэгтээ цагаан өнгөтэй байдаг ч нүүрсний нунтаг нэмж өгдөг. Тус нунтаг нь дугуйг хэт ягаан туяа болон хэт халалтаас хамгаалдаг тул дугуйн бат бөх чанар сайжирч, эдэлгээ нь уртасдаг байна.  

4. ГЭРЛЭН ДОХИО

"Улаан, шар, ногоон... энэ яг ямар учиртай өнгөнүүд юм бол" гэж бодож байсан л биз дээ? 

Өнгө дундаас улаан өнгө л хамгийн хол зайнаас хүний нүдэнд тусдаг байна. Харин шар өнгө мэдээж улаан өнгөнөөс арай бага зайд үзэгдэх ч ногоон өнгөтэй харьцуулахад хол зайнаас үзэгддэг гэнэ. 

5. ГАРЦ

Дээрх жишээтэй адил хар-цагаан өнгө нь холоос ч ялгарч харагддаг тул хурдтай ирж буй машинууд гарцыг холоос харснаар эртнээс хурдаа хасаж, явган зорчигчийг гарцаар гаргах боломжийг олгох хангалттай хугацааг гардаг байна. Мөн зарим нөхцөлд гарцгүй газраар зам хөндлөн гарч буй явган зорчигчдыг холоос танихад бэрхшээлтэй байдаг тул явган зорчигч гарцаар гарснаар орчноосоо ялгарч харагддаг байна. 

6. СУРГУУЛИЙН АВТОБУС

Өглөө хичээлдээ явж гэж буй хүүхдүүд холоос ч сургуулийнхаа автобусыг таних боломжтой, мөн харанхуйд зам дээр зорчиж буй бусад жолооч нарт сургуулийн автобус байна гэж танигдах үүднээс сургуулийн автобус нь тод шар өнгөтэй байдаг байна. 

7. ТАКСИ

Яг л сургуулийн автобусны адилаар "такси шар" өнгө нь таксиг бусад машинаас илт мэдэгдэхүйц ялгаж өгдөг тул зорчигчид ч таксинд суухад амар байдаг.  

8. ХӨЛБӨМБӨГИЙН БӨМБӨГ

Хөлбөмбөгийн бөмбөгийг хуванцар материалаар хийдэг бөгөөд цайруулагч бодис ашигладаг. Тэгвэл анх спортын хувцасны Адидас компани хөлбөмбөгийн бөмбөгийг хар цагаан өнгөөр алаглуулах санааг гаргажээ. Яагаад гэж үү?

Эрт дээээээээээр үед cheeky зурагт хар цагаан өнгөөр гардаг байхад хөлбөмбөгийн тэмцээн үзэхэд цав цагаан бөмбөг орчноосоо сайн ялгарч харагддаггүй байсан тул хар өнгөөр алаглуулах шийдвэр гаргажээ. 

9. 00 ЦААС

Мөн л цайруулагч бодис ашигладаг учраас ариун цэврийн цаас цагаан өнгөтэй байдаг. Хэрэв үйлдвэрлэлийн явцад цайруулагч бодис нэмэхгүй бол 00 цаас бордуу өнгөтэй болдог байна. Обухов гэж ойлгож болно доо. laugh

10. ОЛОН НИЙТИЙН СҮЛЖЭЭ

Олон нийтийн сүлжээний логонууд хэдийгээр янз янзын өнгөтэй байдаг ч ихэнх нь цэнхэр өнгийг агуулсан байдаг. Цэнхэр өнгө нь оюун ухаан болон аюулгүй байдлыг илэрхийлдэг учир ихэнх олон нийтийн сүлжээний компаниуд хэрэглэгчдэдээ аюулгүй, найдвартай сэтгэгдэл төрүүлэх үүднээс цэнхэр өнгийг логондоо тусгаж өгдөг байна. 

Эх сурвалж: www.brightside.me

#Facts #Өдөр тутам