CV-г ЭМХ ЦЭГЦТЭЙ, ОЙЛГОМЖТОЙ бичихэд чинь туслах 10 ВЭБСАЙТ

Гадаадын их дээд сургуульд элсэн ороход, ажилд ороход гээд ер нь хаана ч хэрэг болдог зүйл бол өөрийн товч танилцуулга буюу CV, Resume юм. CV, Resume-г бичих олон төрлийн арга байдаг боловч өөрийгөө зөв илэрхийлж товч тодорхойгоор өөрийн талаарх мэдээллүүдээ хүргэнэ гэдэг цаг шаардсан ажил байдаг. Тиймээс та бүхэнд хэрэг болох үүднээс CV, Resume бичих ажлыг хөнгөвчилсөн үйлчилгээ явуулдаг томоохон 10 вэб хуудаснуудыг танилцуулж байна.

1. CV Maker

Тус вэб хуудас нь хэрэглэгчдээс төлбөр авдаггүй бөгөөд олон төрлийн маягт, загвараас сонголтоо хийн CV, Resume зохиох боломжтой байдаг. "The New York Times", "The Huffington Post" болон "Mashable" гэх газруудаар хүлээн зөвшөөрөгдсөн вэб хуудас юм.

Холбоос: https://cvmkr.com/

2. Kick Resume 

"Forbes", "Business Insider" болон "Yahoo" зэрэг байгууллагуудаар хүлээн зөвшөөрөгдсөн хуудас бөгөөд бүх маягтуудын загварууд нь мэргэжлийн дизайнеруудаар хийгдсэн, хүний анхаарал татахуйц шийдэлтэй. Та тус хуудсыг үнэ төлбөргүйгээр ашиглаж болохоос гадна өөрийн бүрдүүлсэн CV, Resume-г хэдэн ч удаа татаж авсан таниас төлбөр нэхэхгүйгээрээ онцлог юм.

Холбоос: https://www.kickresume.com/

3.Online CV Generator

Тус хуудсанд хэрэглэгч өөрийн мэдээллийг алхам алхамаар тухайн хуудаснаас бэлдсэн асуултуудад хариулах замаар ашигладагаараа хүмүүсйин ажлыг хөнгөвчилдөг. Уг вэб хуудсыг хэрэглэсэнээр 10-15 минутын дотор таны Resume бэлэн болох бүрэн боломжтой.

Холбоос: http://www.onlinecvgenerator.com/

4. Papers Gear

Тус хуудсанд хандсанаар та мэргэжлийн хүмүүсийн бичсэн CV, Resume-г худалдаж авах эсвэл өөрийн бичсэнийг тэднээр хянуулах хоёр төрлийн үйлчилгээг авч болно.

Холбоос: http://www.papersgear.com/

5. Visual CV

Тус вэб хуудас нь "LinkedIn"-тэй холбоотой байдаг учраас та "LinkedIn" дэх өөрийн мэдээллийг шууд татан оруулах замаар Resume-г үүсгэх боломжтой. Үүнээс гадна мэргэжил тус бүр дээр өөр маягттай байдаг буюу эмч хүний 
Resume, инженер хүнийхээс ялгаатай байх жишээтэй юм.

Холбоос: https://www.visualcv.com/

6. Ask Petersen Resume Writing Service

Ажил хайгч нь ажилт олгогчийн шаардлагаас хамаараад CV, Resume-гээ хэд хэдэн удаа өөрчлөх шаардлага гардаг. Үүнээс шалгаалаад тус хуудас нь таны хүссэн тоогоор хэдэн ч удаа таны Resume-г өөрчлөх үйлчилгээг явуулдаг нь цаг хэмнэх давуу талтай.

Холбоос: http://askpetersen.com/

7. Visualize.me

Тус хуудасны бусдаас ялгарах давуу тал нь инфографик буюу мэдээллийн график ашигладагт байдаг. Уйтгартай, нуршуу бичгэн мэдээлэл бус мэдээллийн график ашиглах нь ажил олгогчдод таны талаарх мэдээллийг ойлгомжтойгоор хүргэдэг.

Холбоос: http://vizualize.me/

8. Essays Capital

Essays Capital нь өөрийн Resume болон CV-г мэргэжлийн хүнээр бичүүлэх мөн түүнчлэн аль хэдийн бичсэн Resume CV мөн түүчлэн эссэг мэргэжлийн хүмүүсээр засварлуулах үйлчилгээг үзүүлдэг.

Холбоос: https://www.essayscapital.com/

9. Represent

Тус хуудас бусад resume бүтээгч хуудсуудтай ижил төрлийн үйлчилгээ үзүүлдэг боловч хөдөлгөөнт төхөөрөмж /гар утас, таблет г.м/-ийн формат руу таны Resume-г шилжүүлж өгдгөөрөө давуу талтай юм. Тиймээс ажил олгогч гар утаснаасаа ч таны мэдээлэлтэй танилцаж болох юм.

Холбоос: https://represent.io/

10. Resume Bucket

Resume Bucket-н бусад ижил төрлийн үйлчилгээ үзүүлдэг вэб хуудаснуудаас ялгарах онцлог нь ажил хайгч өөрийн Resume-г бүтээж дуусмагцаа тус хуудаснаас шууд ажил олгогч руу илгээх боломжийг олгодогт оршдог.

Холбоос: https://www.mightyrecruiter.com/

Эх сурвалж: Монгол пунг 몽골풍