Энэтхэгийн Шинэ Дели хотын цагдаагийн газар царай таних систем нэвтрүүлээд дөрөв хоноход сураггүй болсон байсан 3000 гаруй хүүхдийн байршлыг тогтоожээ.
1,3 тэрбум хүн амтай, жилд олон мянган хүүхэд алга болдог Энэтхэг улсын хувьд ийм систем нэн шаардлагатай юм. Тус улсын Хүүхэд, эмэгтэйчүүдийн хөгжлийн яамнаас мэдээлснээр 2012-2017 оны хооронд 240 мянган хүүхэд алга болжээ.
Харин бодит амьдрал дээр энэ тоо 500 мянга ч хүрч магадгүй хэмээн бусад байгууллагууд үзсэн байна. Ямар ч байсан Хүүхэд, эмэгтэйчүүдийн хөгжлийн яамнаас “TrackChild” хэмээх цахим мэдээллийн санг үүсгэжээ. Энэ санд алга болсон болон олдсон хүүхдүүдийн зургийг оруулж, цагдаа нар мэдээллээ иргэд, олон нийттэй хуваалцдаг юм байна.
Гэсэн хэдий ч энэ арга нь мөн л асар их ажиллагаатай учраас Бачпан Бачао Андолан байгууллагаас царай таних системийг нэмэлтээр ашиглах санал гаргаж, хөгжүүлэлтийн ажлыг хийжээ.
Тэдний хөгжүүлсэн систем TrackChild дээрх зургийн санд хандаж, боловсруулан хүүхдүүд хаана байгааг хайж эхэлдэг аж. Систем эхний шатны туршилтаар 45 мянган хүүхдийн зурагнаас 2930 хүүхдийн байршлыг тодорхойлжээ.
Та энэ хүслийг өөр дээрээ нэмсэн байна!
Та энэ хүслийг биелүүлсэн байна!
Та хүслээ амжилттай биелүүллээ!
17
378
2023-12-17