ФОТО: Өвлийн олимпт олон улсын тамирчид хэрхэн хувцаслах вэ?

Сондор | YOLO.MN
2018-02-02

Өвлийн олимпийн XXIII наадам "Пёнчан 2018" БНСУ-ын Пёнчан хотноо 2018 оны хоёрдугаар сарын 9-25-ны өдрүүдэд болох билээ.Тус өвлийн олимпийн наадамд оролцох Монголын баг тамирчдыг үдэн гаргах ёслол БСШУСЯ-ны хүндэтгэлийн танхимд боллоо.

Энэ үеэр БСШУСЯ-ны сайд Ц.Цогзолмаа "Пёнчан-2018" өвлийн олимпийн наадмын Монгол Улсын төрийн далбааг Монголын багийн ахлагч УИХ-ын гишүүн Б.Бат-Эрдэнэд гардуулав. Б.Бат-Эрдэнэ өмнө нь Монгол Улсын багийг ахалж, зуны олимп, Азийн наадамд оролцож байсан туршлагатай юм.

Тэрбээр төрийн далбаагаа "Пёнчан-2018" олимпийн наадамд эх орноо төлөөлөн оролцох цанын тамирчин Б.Ачбадрахад шилжүүллээ. Б.Ачбадрах цанын 15 км-ын зайд олимпод уралдах эрхээ авсан бөгөөд "Б" зэрэглэлийн ДАШТ-ээс анхны хүрэл медалийг хүртэж байв. Тэрээр "Пёнчан-2018" цагаан олимпийн наадмын нээлтийн ёслолд Монгол Улсын тугчаар тодорчээ.

"Пёнчан-2018" өвлийн олимпийн наадамд оролцох Монголын болон олон улсын тамирчдын хувцасны загварыг танилцуулж байна.