Амралтын өдрүүдээр ХААНА, ЮУ болох вэ?

Энэ долоо хоногийн амралтын өдрүүд болох 1-р сарын 13,14-нд хүүхэд залуус хамрагдаж болох үйл явдлуудын дэлгэрэнгүй танилцуулгыг хүргэж байна.  

Жич: Өсвөр үеийнхэн, залуус оролцох боломжтойг түүвэрлэв.

-ҮЙЛ ЯВДАЛ-

СЭТГЭЛЗҮЙН ЛЕКЦ

Хэзээ: 1-р сарын 14-ны 19:00 цагт
Хаана: Ziferblat Ulaanbaatar

Дэлгэрэнгүй: Энэ удаад бид олон төрлийн сэдвүүдийг цоо шинэ арга замаар хөндөж ярилцан, мэргэжлийн хүнээс зөвлөгөө авч болох анхан, дунд шатны семинарт урьж байна. 1, 2, 3, 4-р шатны аль нэгэнд суусан болон анх удаа ирэх гэж буй шинээр сонирхож байгаа хүн бүрт нээлттэй!

НҮБ-ын хүн амын сангийн төслийн арга зүйч Д.Өлзий сэтгэл заслын техникуудын талаар дэлгэрэнгүй яриа өрнүүлэх болно. Энэ семинарт суусны дараа та юмс, үзэгдлийг арай өөрөөр хардаг болж ч магадгүй юм. 

Тасалбар: 10000₮

ЭЕШ-ЫН СОРИЛГО 2018 №1

Хэзээ: 1-р сарын 13-нд
Хаана: "Зөв шийдэл" сургалтын төв, Хурдын Рапид хороолол 27-129 тоот

Дэлгэрэнгүй: Математик, Монгол хэл, Хими, Физик гэсэн хичээлүүдээр шалгалт өгч, өөрийн мэдлэгээ шалган, хаана, ямар зүйл дээр алдаж байгаагаа тодорхойлуулаарай. 

Тасалбар: 2000₮

ГАДААД ХЭЛ ХЭРХЭН ХУРДАН СУРАХ ВЭ?

Хэзээ: 1-р сарын 13-ны 14:00 цагт
Хаана: Мэдээллийн Технологийн Үндэсний Парк 211 тоот

Дэлгэрэнгүй: Гэгээ боловсролын төвийн үүсгэн байгуулагч, зөвлөх багш, Доктор (Ph.D). Профессор Д.БОЛДБААТАР багшийн ГАДААД ХЭЛИЙГ ХЭРХЭН ХУРДАН, ХЯЛБАР АРГААР СУРАХ ВЭ? лекц зохион байгуулагдаж байна. 

✔Танд гадаад хэлний хэрэгцээ шаардлага тулгарч байна уу?
✔Та цаг мөнгөө хэмнэж хамгийн үр дүнтэй аргыг хайж байна уу?
✔Гадаад хэлний түвшин дээшлэхгүй нэг газраа зогсоод л байна уу?
✔Их ажил, хичээлийн хажуугаар богино хугацаанд ҮР ДҮНТЭЙ суралцахыг хүсэж байна уу?
✔Өөрийн хэлний мэдлэгээ дээшлүүлж дараагийн боломжийг ашиглахыг хүсч байгаа ч нэг л аргаа олохгүй байна уу?

Манай багшаас зөвлөгөө аваарай. 

Маш богино хугацаанд гадаад хэлийг сураад судлаад чөлөөтэй сонсоод ойлгодог, дуртай номоо уншаад ойлгодог, дуртай киногоо үзээд ойлгодог, найз нөхөдтэйгээ чөлөөтэй ярилцдаг, сошиал ертөнцөөс хүссэн мэдээ мэдээлэлээ цаг алдалгүй авдаг болохыг хүсвэл ЗААВАЛ ирээрэй. 

Тасалбар: 5000₮

ХӨРӨГ ЗУРГИЙН ХИЧЭЭЛ

Хэзээ: 01-р сарын 13-нд 14:00 цагаас
Хаана: Ziferblat Ulaanbaatar

Дэлгэрэнгүй: Та нар минь хэзээ нэгэн цагт хайртай нэгнээ, эмээгээ эсвэл өвөөгөө, гэр бүлийнхээ эсвэл найзуудынхаа хөргийг зурах талаар бодож байсан уу? Гэхдээ чадахгүй гэж эмээн хойш сууж байсан бол наашаа анхаар. Та хойш нь тавьж, өөртөө итгэл алдрах ямар ч хэрэггүй. Манай арга хэмжээнд ирээд хөрөг зураг зурж сураад тэднийгээ зурж бэлэглээрэй.

Манай сургалт нь 2 цагийн турш багшийн удирдлага доор явагдах бөгөөд сургалтын төлбөрт зургийн хэрэгсэл, цай болон хар кофе багтсан байгаа.

Нэгэн өдрийг гоё дуу сонсож, сонирхолтой хүмүүстэй танилцан цуг зураг зурж суран цагийг үр бүтээлтэй, хөгжилтэй өнгөрүүлэхийг бид хүсэж байна. 

Тасалбар: 10000₮

-ТОГЛОЛТ-

П.И.ЧАЙКОВСКИЙ "ХУНТ НУУР"

Хаана: Улсын Дуурь Бүжгийн Эрдмийн Театр
Хэзээ: 2018.01.13, 01.14
Зохион байгуулагч: Улсын Дуурь Бүжгийн Эрдмийн Театр
Үргэлжлэх хугацаа: 120 minutes
Насны ангилал: 7+
Тасалбарын үнэ: 30,000 ₮, 20,000 ₮, 10,000 ₮

Дэлгэрэнгүй: "Хунт нуур" балет нь сонгодог урлагийг үнэлэн үздэг бүхий л улс орны олон арван тайзнаа хэдэн мянган удаа тоглогдож, орон бүрийн үзэгчдийн нандин эрхэмсгийн дээдийн дээд бүтээл болсон юм. Тэр дундаа Одетта - Одиллиягийн дүр нь эмэгтэй балетчин бүрийн уран чадвараа сорих, үзэгчдэд харуулах хамгийн төгс бүтээлд тооцогддог бөгөөд "Хунт нуур" нь "балет" хэмээх төрлийг төлөөлж чадахуйц өндөр алдарт хүрсэн билээ.

-КИНО-

СОЛИОТ ЭХ МУСК

INSIDIOUS: СҮҮЛЧИЙН ТҮЛХҮҮР

ПАДДИНГТОН 2

ЖУМАНЖИ: ШИРЭНГЭД ТАВТАЙ МОРИЛ

ФЕРДИНАНД